「最近與周秀娜及新八模成員一起拍攝電影《熱浪球愛戰》，雖然天氣是熱了點，但由於我本身都喜歡做運動，所以覺得好玩多過辛苦，雖然一早預計到會很曬，亦做足防曬準備，但仍然曬到黑晒，回家要做多幾次美白補番數，對我來說拍戲是新鮮的體驗，好玩之餘又可以學到嘢，所以很珍惜今次機會。」
I Learn 捽碟勁考節奏感
「除了做好模特兒及電影工作外，我亦想學多啲嘢充實自己，早前就去了一位DJ朋友處學捽碟。起初以為自己經常聽音樂，捽碟應該難不倒我，想不到原來都唔簡單，既考你的節奏感，捽碟時手部動作又要夠靈活，捽錯了更不能慌張，好考功夫。」
I Love iPhone 4影相上網一流
「一向都用開iPhone，所以iPhone 4一開賣就預訂了一部，最近終於收到貨，果然靚仔又好玩，個芒比舊款機靚得多，影相又Sharp咗，之前擔心電話接收有問題，但用落又唔多覺，現在已下載了很多好玩App，每逢坐車或等人時就玩個不停。」
I Play 玩《H.A.W.X 2》減壓
「最近迷上打《H.A.W.X 2》，除了一般的空中追逐戰外，還有新追加的起飛、降落、空中加油及夜間出擊等任務，夠晒過癮，刺激得來又可以減壓。」