07/09/2010

播放本新聞相關短片

你今日關注咗未?

Angelamamy:

每年平均飲宴至少10次,雖然親朋好友已盡量用心設計菜譜,務求令飲宴的菜式特別又好味,但有時菜式變化有限,來來去去都是乳豬全體、蒸海魚、炸子雞,實在很悶人。不過,有時令人驚喜的未必是菜式,反而是一些有心思的配件,像前日去飲,上枱的一樣是乳豬全體,但發光的豬眼卻是心形閃燈,不但令人眼前一亮,吃起來還分外好味。

金枝:

人哋話「三個女人一個墟」,其實「墟」不一定指聲浪擾人,向好嗰方面睇,也能解作氣氛熱鬧。上上上周日與兩位大學Best Frds到ifc的agnès b.敍舊,環境氣氛一流,更難得是這個聚會令我樂開懷!兩位與會女生雖然跟我同齡,但已經成家立室了,當年的Roommate「三花」帶同丈夫與囡囡出席,我「爸爸」(但佢係女仔囉,OK?)Chris也和她未婚夫結伴來吃,席間話題與焦點全集中在家庭生活與「三花」的兩歲女兒身上,完全感受到她們的家庭溫暖,令呢餐High Tea特別好食!

S.man:

身為孻女,從小到大我都是家中的小霸王,家姐更加暱稱我「主人」。我呢個「主人」,多年來深得家人疼愛、爸媽照顧入微,不過人總得長大,最近我決定要當真正的「煮」人,而第一步是精挑一個飯煲,但作為新手,只懂灼菜煎蛋煮丁麵,為免嘥錢,上兩個星期我用信用卡積分換了這個靚靚西施飯煲,除咗煮飯,仲可以煲粥蒸餸焗蛋糕!Wow~~好萬能咁呀!事不宜遲,要快快摘個吉日煮餐靚飯先!