每人都總有樣嗜好，好似老公係忠實球迷，自然鍾意買波衫，而我呢就有鋪儲香水癮。啱Key嘅姊妹們就唔好錯過Lanvin 9月底先推出嘅Marry me!香水喇！香水主調由突尼斯苦橙同阿拉伯茉莉花香混合而成，淡淡香氣配上銀色金屬瓶蓋同不規則瓶身，更顯精緻優雅，點忍得住手唔買呀？

查詢：2110 0107

買月餅有獎抽

中秋就到，我就好鍾意食月餅，不過我都會用利是錢買番盒燕之家嘅燕窩月餅送畀媽咪，氹吓佢開心！有白蓮蓉配血燕同綠茶蓉配官燕兩款口味選擇，依家仲減至$198一盒，優惠延至中秋節當日。咁樣都未夠，另凡購買月餅券或月餅一盒，即可獲抽獎券一張，有機會贏取iPad同其他電子產品，到時咪可以孝敬埋Daddy囉！

查詢：2633 1299

商場消費請睇戲

每隔幾年，就會出現功夫電影熱潮，以前有李小龍，近期最Hit嘅當然係甄子丹。佢套新戲《精武風雲．陳真》就快上，咁啱有商場搞緊免費換票優惠，由下星期起兩個周末，只要喺時代廣場食通天憑即日單一發票消費滿$300或以上，然後捐$20或以上畀香港公益金，就可以免費換領電影戲票換領證兩張。每日數量有限，先到先得，換完即止。等我換番兩張飛，同老婆拍拖更去捧 「宇宙最強」場先。

換領日期：9月11日、12日、18日及19日

時　　間：12:00nn至10:00pm

地　　點：時代廣場二樓客戶服務部

查　　詢：2118 8900