很多用家在電腦上儲存了大量相片及音樂，唔想次次都要事先燒碟或抄寫到USB手指，先拎到客廳部電視和音響上欣賞，不妨考慮一下Pioneer最新推出的藍光5.1影音組合HTZ808BD，佢內置咗藍芽接收，能簡單地將電腦、手機上的相片及音樂傳送至主機，又可以「唔用腦」將CD上的歌曲自動轉錄成MP3儲存，難怪E Cup Baby都大讚靈活性一流。

想享受全高清聲畫質素，但又嫌自己砌機太麻煩的話，藍光5.1組合是不錯的選擇，好像新上市的HTZ808BD，既支援BD-Live（2.0 Profile）、Dolby TrueHD、DTS-HD MA等高清聲畫規格外，又可透過USB直讀DivX、WMA、MP3、MPEG-4 AAC、JPEG等多媒體檔案，兼容性之強無出其右。

採用音色穩定擴散全面的座地式喇叭，聽歌時更可透過Music Retouch功能，修復失去的高低音細節。	主機輕巧纖薄，電視櫃超窄都放得入。	兼播BD、DVD、VCD及CD，內置增線晶片，就算睇DVD都能增線至1,080p。

聽歌睇相 靈活性強

在電腦上睇相固然方便，之不過效果總不及客廳部40吋電視震撼，而且電腦芒內置嘅喇叭質素參差，開大聲少少都會拆，幸好最新的HTZ808BD加入藍芽接收功能，經過簡單設定後，就可以將電腦和手機上的相片及音樂檔傳送至主機，咁以後就可以舒服地在大屏幕電視上欣賞。加上組合本身附送了一套5.1靚聲喇叭，用佢嚟聽歌，音色自然更細膩豐富，包圍感更全面。若嫌齋睇相或聽歌太單調的話，更能透過PHOTO + MUSIC MIX功能，變成有聲有畫的幻燈片播放。另外，機面設有USB插口，除了能直讀DivX、WMA、MP3、MPEG-4 AAC、JPEG等多媒體檔案外，更可將CD上的歌曲轉換成MP3格式儲存到USB手指或外置硬碟。

超低音喇叭纖薄慳位，但支援180W功率輸出，配合Bass Blast功能令低音效果更為澎湃。	設有USB插口，能直讀DivX、WMA、MPEG-4 AAC、MP3、JPEG等多媒體檔案。	支援BD-Live（Profile 2.0），睇戲之餘更能欣賞到不少幕後資訊及小遊戲。

高清音效 睇戲震撼

資深影音迷總是對組合機有偏見，覺得音響表現不及砌機靚聲震撼，故此HTZ808BD放棄細細粒的衞星喇叭，採用音色穩定、擴散全面的座地式喇叭，支援150W×5（環繞聲）、180W（超低音）輸出功率，配合Dolby TrueHD、DTS-HD MA等高清音效，煲碟睇戲時的包圍感及層次感都不比砌機遜色，同時更可透過Bass Blast功能增強低音表現，試睇《標殺令》的打鬥場面，鏈球撞向布景及墮地時的音效都勁到彭彭聲。為改善MP3音樂音色不夠細緻的問題，亦可透過內置的Music Retouch功能，修復因過度壓縮而刪除了的高低音細節。

除了HDMI外，更備有色差、Composite及兩組光纖輸入插口，方便接駁CD機、錄影機等器材。

備有一組1.3版本HDMI輸出，故此不支援3D播放，用戶亦能透過LAN線上網，隨時更新韌體。

畫質測試

試播《標殺令》，奧瑪花曼的膚色細膩分明，陰影暗位都充滿層次感，不會黑成一撻，打鬥時的動態畫面流暢冇起格，環境音效亦夠晒包圍感。

機檔案

兼播：BD、DVD、VCD、CD

功率輸出：150W×5（環繞聲）、180W（超低音）

多媒體播放：DivX、WMA、MPEG-4 AAC、MP3、JPEG

音效解碼：Dolby TrueHD、DTS-HD MA、Dolby Pro Logic 2

USB：1組

HDMI：1組

查詢：2848 6488