大熱天時，好想食消暑甜品，嫌淨食雪糕味道單調、乳酪雪糕賣相不夠精緻，或者要試一杯靚靚的日式芭菲。九龍城最近有間芭菲專門店新登場，用上日本靚雪糕，更請來名廚炮製芝士蛋糕及拿破崙餅等，合組巨型芭菲杯，挑戰大家食量。

名廚炮製甜點

其實，很多人都有個「甜品胃」，見到具分量的芭菲杯雖然驚訝，但肯定可以掃清光。這店名叫「金寶甜品」，是區內著名食肆「金寶泰國菜館」的新搞作，店主曾到日本公幹，發現當地人非常愛食芭菲，有感本地缺少芭菲專門店，便試試食客口味。

沖繩黑糖3.6牛乳芭菲 $42 3.6牛乳布甸滑溜溜，味道香甜，吃時淋上黑糖，還有煙韌珍珠，口感豐富。

紫番薯芭菲$42 同樣是的自創口味，紫番薯蓉甜甜的，入口細滑，不妨連雪糕、粟米片及蛋糕，一啖放入口。

雖屬初試啼聲，但店子製作認真，像用上日本進口的高級雪糕，內有雲呢拿籽的雲呢拿雪糕、含果肉的杧果雪糕及士多啤梨雪糕等。而為迎合食客口味，除傳統款式芭菲外，亦請來前Cova甜品廚坐鎮，炮製拿手的紐約芝士蛋糕、Tiramisu及拿破崙餅等，另有自家製果凍、布甸及脆餅等。

杧果班戟配雪糕$34 芭菲以外，店子亦供應多款甜品及特飲，這班戟便包着滿滿的杧果肉，特選泰國香甜的杧果，特別滋味。

店子布置簡單舒服，座位之間非常闊落，有別於一般甜品店。

查詢：2382 2938