夏日炎炎，小記作為一位Beach Boy，當然要盡情享受陽光與海灘！相約大班朋友遊船河就最好不過，又可以玩吓香蕉船、Wakeboard，即時暑氣全消。要幫女友留住靚靚泳衣照，單用相機似乎未夠，一於拍攝有聲有畫的短片幫她留倩影，呢個時候當然要揀番部支援1,920×1,080高清拍攝功能的DC。

去得沙灘游水或出海遊船河，帶備嘅裝備當然愈輕便愈好，目前市面上已有不少支援Full HD的數碼相機，機仔細細之餘，亦能兼顧影相拍片，正好滿足拍泳裝照的需要！

唔搽防曬都白 Sony Cyber-Shot TX9

近期3D功能大熱，連Sony呢部TX9新DC，都支援「3D Sweep Panorama」3D一掃全景功能，可以直接於螢幕上看到立體顯示，用HDMI接駁電視及佩戴3D眼鏡後，更可以看到有如3D電影般的立體效果。另外於「3D Sweep Multi-Angle」模式下，相機會一次過拍下15張不同角度的照片再進行合成，用家只要擺動相機即可從不同角度觀看相片。採用3.5吋觸屏的TX9，機身按鍵不多，但仍設有拍片專用鍵，可以拍攝1,920×1,080i AVCHD短片，質素有保證。值得一提，相機內置散焦、美顏等拍攝模式，就算女生冇搽防曬，都一樣可以影得又白又滑！

備有多種特別的拍攝模式，其中的「背景散焦」方便營造類似單鏡反光機的淺景深效果。	經HDMI連接3D電視及戴上專用的立體眼鏡後，就可以擺動相機從不同角度觀看相片。	大部分功能均可於機背的3.5吋輕觸式屏幕上選擇。
放大圖片	TX9採用推蓋式設計及潛望鏡頭。$3,390

全手動設定 Samsung WB2000

半專業相機有全手動模式唔出奇，但DC仔都有得玩M Mode就比較少見。WB2000有齊光圈先決、快門先決以及全手動模式，影滑水等動感十足的活動時就可以自定快門！而且具備F2.4大光圈，就算玩到黃昏都唔怕環境昏暗而影唔到靚相。最特別係支援1,920×1,080p全高清拍片之餘，拍片途中更可同步拍攝1,000萬像素照片，動靜皆宜。

採用Schneider鏡頭，支援5倍光學變焦、24mm廣角，方便拍攝大合照。$3,190	備有mini-USB及HDMI插槽，方便接駁電視及電腦。	支援全手動、光圈先決及快門先決等模式，拍攝更加靈活。
雙指針設計，用來顯示記憶體及電量狀況，甚有懷舊風格。	WB2000可於拍片中途同步影相，唔係太多相機做得到。

直接篤芒剪片 Panasonic FX700

拍攝短片，周不時會出現NG片段，要靠後期剪接先可以拎畀女友欣賞。FX700既可拍攝1,920×1,080 AVCHD，最特別是內置影片分割（Video Divide）功能，可以直接於機內剪片，玩Wakeboard失手嘅NG Shot都唔會有人見到。另外FX700加入「Motion Deblur」模式，加強防震及快門速度，影相就唔使驚會鬆郁矇，加上具備F2.2大光圈、24mm廣角，成班朋友影大合照就最啱！

屏幕為3吋輕觸式TFT，旁邊只有三顆實體鍵。機頂則設有影片鍵，方便拍片。

採用Leica DC Vario-Summicron鏡頭支援5倍變焦、24mm廣角拍攝。$3,490

光暗都啱影 Sony Cyber-Shot WX5

相比起TX9，WX5放棄使用潛望式鏡頭，而螢幕亦由3.5吋輕觸式屏幕改用普通的2.8吋屏幕，令機背按鍵明顯增加，不過光圈就由F3.5-F6.3變成F2.4-7.1，無論光暗環境下表現都更佳。此機支援1,920×1,080i AVCHD短片、一掃全景、散焦、美顏模式等，而且價錢仲比TX9平$700，抵用！

與TX9的功能大同小異，同樣有3D攝影功能。$2,690	介面清晰易用，提供模式解說，照顧初階用家。	可使用轉盤轉換拍攝模式，亦備有短片拍攝按鍵。

其他特色選擇

若然覺得DC機仔功能仍未夠全面，不妨考慮其他具備特色功能的高清拍片相機，咁無論想喺沙灘Zoom到浮台影跳水，抑或帶埋部機落水拍片都一樣掂。

30X長炮 Fujifilm HS10

雖然HS10唔算輕巧，但勝在機能夠實際，尤其係30倍光學變焦，Zoom盡去到720mm，真係企喺對面海都影到。另外，特別有「超高速短片」模式，可作每秒1,000格的短片拍攝，就算幾細微的動作都可以逐格呈現！機身特別採用可揭式LCD，高抄低抄都難佢唔倒。

Fujinon 30倍光學變焦，企喺沙灘都可以影到浮台大特寫。$3,580	3吋可揭式LCD屏幕，方便多角度取景。	使用4粒AA電芯，隨時都有得補充。

防水高清 Sanyo Xacti CA100

參與水上活動，少不免會搞到成身濕淋淋，想玩得安心，可以考慮呢部CA100。此機絕對是為落水而設，因為機身符合IPX8防水標準，可以於3米水底連續拍攝60分鐘短片，更支援1,920×1,080全高清短片，帶埋佢落水玩浮潛影珊瑚都仲得，配合Xacti一貫迷你嘅DV外形，2.7吋多角度旋轉螢幕，方便你從任何角度取景。

CA100保留Xacti一貫的手槍形機身設計，拍片更就手。$3,690	開關鍵及菜單鍵設於機側，另備有mini HDMI及mirco-USB端子。	攝影、攝錄及Zoom鍵，全部集中在一起，方便單手操作。

查詢：（a）2345 2966（b）3698 4698（c）2733 3888（d）2406 3225（e）2610 2833