香港人做事講效率，就連食餐飯都三扒兩撥，其實點解要咁辛苦？趁星期日放假，不妨善待一下自己，在家自煮美食。請來意大利餐廳Sabatini大廚的張錦權，教大家用三數分鐘自煮簡單、快捷的意大利餐，合乎「快」的大前提，更有啖好食。

身為香港人，坐鎮Sabatini的大廚張錦權，當然亦明白「快」對香港人有多重要！所以師傅今次示範的菜式，其中兩道都只需灼熟意大利粉及炒香配料便成，另一道更加連煮都唔使煮，製法快捷之餘，還零難度，入廚新手都冇問題。

必備兩個爐頭

張師傅謂，使用新鮮優質的食材，可說是意大利菜的精髓，而為了呈現材料真正味道，烹調方法及所用調味以簡單為主，所需時間自然相對縮短，只要大家的家中有兩個爐頭，可以一邊灼意大利麵，同一時間在另一爐頭烹調配料，便能真正做到3、4分鐘煮好一道意大利菜的目標。

食材方面，今次師傅用上罕有的西班牙紅蝦來煮扁意粉，但這種蝦市面難尋，建議大家可以花竹蝦代替；師傅又特別提醒，煮意粉時可先將意粉灼至8成熟，並切記不要過冷河，否則意粉難以吸收醬汁。

意式生牛肉薄片

所需時間：2分鐘

材料：

意大利牛柳 100克

Rucola 20克

燈籠椒 20克

巴馬臣芝士 3片

半乾番茄粒 20克

做法：

1.膠紙墊着生牛柳底面，用錘將之拍至扁平。

2.將膠紙揭開，牛柳置在碟上，在表層塗上橄欖油、檸檬汁及威尼斯醬汁。

3.Rucola及燈籠椒絲以意大利黑醋拌勻，並放在牛柳上，最後將芝士片及番茄乾置於面層作裝飾即成。

巴馬火腿蘑菇青豆忌廉意粉

所需時間：5分鐘

材料：

巴馬火腿 20克

白菌 20克

青豆 10克

黃色、綠色 100克

Tonnarelli

牛油 少許

芝士粉 10克

鮮忌廉 200克

做法：

1.意大利麵放入沸水內，煮約4分鐘至8成熟。

2.另一邊以牛油起鑊，將巴馬火腿絲、白菌及青豆同放鑊裏炒香。

3.加入鮮忌廉煮成汁，意大利麵煮好後放進鑊裏撈勻，最後灑上芝士粉即成。

紅蝦及車厘茄扁意粉

所需時間：6分鐘

材料：

紅蝦 150克

（約3隻）

意大利 20克

車厘茄

龍蝦湯 300克

扁意粉 80至100克

蒜頭 5粒

意大利番茜 少許

辣椒碎 少許

白酒 少許

做法：

1.先將扁意粉放入沸水中，煮約4分鐘至8成熟。牛油蒜頭起鑊，放入紅蝦煎香兩面。

2.待蝦味散發時，加入龍蝦湯、白酒、車厘茄、番茜、辣椒碎及茄膏煮成汁。

3.將紅蝦及其他材料隔起，剩下的汁料與扁意粉同煮至汁醬全被意粉吸收即成。

唔講唔知:西班牙紅蝦 量少價高

生長於地中海約400米或以下深海的紅蝦，食糧主要為海藻和豐富的礦物質，此蝦味鮮濃、獨特而複雜。產自西班牙Palamos Prawn，是地中海紅蝦中之極品，但產量不多，加上當地政府對捕捉紅蝦活動有很多限制，如設有一個月的休漁期等，令紅蝦身價更高。