有調查發現，香港有36%嘅學生上網係為咗打機，其餘時間先用來搵資料，只不過芒就得一個，如想打機升呢，同時睇新聞兼做功課的確難以取捨。Fujitsu LifeBook NH900筆記簿電腦就突破傳統，在18.4吋巨芒下創新地加入4吋輕觸式迷你屏幕，一邊用大芒打機，一邊在細芒睇其他嘢，似足股票經紀。

電腦玩雙芒就見得多，筆記簿電腦用雙顯示設計可說由微軟Sideshow帶起，只是Sideshow初期多用來做快捷列和睇相，不是真正的第二顯示屏，現在NH900終於能同時睇片和打機，莫講話搵資料做功課，想學股票經紀一樣雙芒(目及)實個巿都冇問題。

4吋TouchZone篤芒操控

NH900採用Desktop Replacement巨型機身，18.4吋全高清巨芒有成部桌面LCD咁大，最特別是機身額外加入4吋「TouchZone」輕觸式屏幕，平時可充當快捷列，篤芒啟動常用程式如瀏覽器、電郵、文書等工具。當主畫面播片或打機途中，唔方便彈回桌面時，便可將4吋芒仔變成另一屏幕，直接瀏覽網頁和工作，試過在大芒播Blu-ray、細芒上FaceBook玩遊戲都極之流暢。

機面左右兩邊設有大大個的高中音喇叭，加上機底Subwoofer，有助強化重低音效果。	作為售價達二萬五千元的頂級筆記簿，梗係有齊HDMI、USB 3.0、eSATA等高速插頭。	用家亦可自設4吋TouchZone芒的快捷鍵，方便一篤立即開啟常用程式。

GT 335M強勁顯示卡

作為一部賣二萬五千元的筆記簿電腦，NH900引入雙芒好玩之餘，用料更屬頂級設計，採用Core i7-620M處理器及640GB高容量硬碟，方便存放高清影片。此機再配合GeForce GT335M強勁顯示卡，播放1,080p影片及打Online遊戲都綽綽有餘，仲獲得Capcom認可為《Monster Hunter Frontier Online》作戰必備之選，上網組隊玩《芒亨》屠龍都唔怕窒。

機身大約兩盒DVD咁厚，拎上手有成4.62kg，適合放喺屋企作為Desktop Replacement。	為免散熱扇積塵，用家可揭開機底的散熱片，定期掃走塵埃。	NH900配備5,200mAh電池，唔插濕電時可啟動省電模式。

Blu-ray睇碟音效強勁

另一要讚的地方是新機改良了音效設計，左右兩邊加大高中音喇叭單元，還在機底設置Subwoofer強化重低音效果，播放Blu-ray碟便有更佳視聽享受，還可經HDMI及7.1音效端子接駁家居影音裝置。當然唔少得新一代eSATA、USB 3.0等高速插頭，備份資料和剪輯多媒體檔案時就更方便。

邊睇片邊上網

即場試用18.4吋芒播放1,080p短片，又在4吋細芒上睇on.cc新聞。雖然睇落好似細咗啲，但屏幕其實仲大過iPhone，而且解像度都有960×544，仲可以篤芒Click入連結睇ontv影片。

放大圖片	放大圖片	放大圖片

打《芒亨》睇股價

利用大螢幕進入《芒亨》遊戲時，以4吋芒仔開啟IE瀏覽器篤入Money18網頁，無論查閱股價、睇圖表都十分流暢，以後打機中途都可(目及)實個巿，唔使下下跳出桌面。

查詢：3101 2898