芒底設有開關鍵，長按便能開機，若處於待命模式，按一下即能重啟屏幕。

Huawei E583C 90g隨身寬頻

本文重點

操作一目了然
最多六機齊上
機檔案

呢排身邊朋友都有個疑問︰「買iPad，到底揀3G還是Wi-Fi版好？」小記答案係買後者。皆因慳咗嘅錢，夠你買多隻隨身Wi-Fi畀其他裝置一齊用，例如Huawei（華為）最新推出的E583C，便能支援5部機無線上網，唔好話iPad，手機、Netbook及PSP都能同時接通世界。

操作一目了然

隨身Wi-Fi在本地初初推出時，由於能將3G寬頻轉變成Wi-Fi網絡，讓其他流動裝置隨時上網而大受歡迎，當中不少型號便是由Huawei代工生產。眼見市場龐大，肥水不流別人田，Huawei遂決定以自家品牌推出新一代隨身Wi-Fi E583C。外形上，E583C與以前的鵝蛋形設計大有分別，機身採用直身長方形設計，淨重90g，驟眼睇很有手機影子；最大分別是搭載了1吋OLED屏幕，能顯示網絡商、訊號強度及電池用量等資料，操作狀態一目了然，唔似得以前咁要一味靠估。

提供mini USB連接埠，可一邊叉電一邊使用。

左上角設有天線插口，用戶可加裝3G天線來增強訊號。

最多六機齊上

網絡方面，E583C對應GSM四頻及3G制式，基本上有齊本港各大手機網絡商的APN資料，而實測所見，只要SIM卡的3G制式符合UMTS 900/1900/2100MHz，它都能順利支援，因此即使帶到國內，亦能使用中國聯通的網絡服務。至於連線方面，上下載速度分別為5.76Mbps及7.2Mbps，經Wi-Fi分享後，頻寬足夠讓5部裝置同時無線連線上網，而且此機還配備了一個USB連接埠和MicroSD讀卡器，不但可讓接駁的電腦一齊上網，本身亦可充當USB記憶棒，一物二用。