Sanna：

外國名模好似時裝一樣隔一兩年就轉一代，換畫速度相當驚人，好多時都跟唔切。前兩年的Agyness Deyn、Gemma Ward、Lily Cole等已開始沉寂，取而代之有Lara Stone、Freja Beha Erichsen、Rosie Huntington Whiteley等新貴，撇除Rosie走去拍《變型金剛 》第三集，時裝界今季以Freja走勢最勁，做8月英國《Vogue》封面人物之外，Chanel同Balenciaga等廣告都係佢，犀利！

Kiki：

一年四季我都有搽潤唇膏的習慣，因為夏日的強勁空調，亦會令嘴唇變乾而有輕微死皮的出現。夏天揀潤唇膏，首選潤而不黏立的質地，最緊要搽完嘴唇平滑而不帶黏立。某日Check E-mail，發現舊年出咗可樂、雪碧味的Lip Smacker®，今次同Paul Frank出咗支新潤唇膏，雖然未有實貨試用，但勝在包裝好Cute好吸引，令我諗起曾幾何時我也對這隻大口馬騮瘋狂過！

Tiffany：

前幾天去了參觀星級化妝師Janice Lam的化妝學校，聽聞所有課程100%由她教授，表現優異的學員仲有機會得到實習機會及工作介紹。校內採用維多利亞式的裝潢，還設有婚紗用品租借，款式釘工用料一流，加上售賣大量維多利亞式的家品擺設，簡直是所有女生夢寐以求的Dream House！連一向對玫瑰沒有太大興趣的我，也忍不住買了一套立體玫瑰雕花的花杯碟，只需百多元！就算不是學化妝，到這裏逛逛，說不定也會有意外收穫！