遲啲好多飲宴，係時侯搜刮啲飾物、飲衫、靚袋，全方位扮靚靚！

查實我好鍾意去飲，因為戥人開心，自己都快樂！下半年，幾個表妹輪住嫁，為咗每次以唔同形象出現，我都會花心思搵靚飾物同飲衫。最近發現加拿分道一間樓上舖「姊妹部屋」，店舖細細，但齊晒所有適合飲宴嘅靚衫、飾物、手袋等，新款姊妹裙只售$198至$320。負責人Vivi話：「店內貨品多數係韓國款式或用料，所以質素有番咁上下，好似耳環都係防敏感，大可放心。貨品以低價發售，好多飾物都係$100樓下，平過商場好多o架！」如果想化靚妝，Vivi亦可以幫到你，事關佢本身係專業化妝師，咁當然要預約啦！由於係樓上舖，大家不妨3:00pm後先嚟八卦，而且逢星期二休息o架！

手袋之選

女人去飲，最緊要手袋，名牌袋反而成日撞款，倒不如發掘實用靚款，仲威！

OL界大熱大花花灰色手袋$200	毛毛Shoulder Bag$188	紅色皺紋Shoulder Bag$188

別致頭飾 面貌一新

依家去「砍」，唔一定要Set頭、紮髻，戴一個別致頭飾，再配搭款式搶眼嘅耳環，已經好突出啦！

銀灰色蝴蝶珍珠頭飾 $98	紫色羽毛頭飾 $88	水滴形耳環，分別有金色、銀色選擇。$88/對
綑金邊黑色大花花頭飾$98

潮襯飾物 簡約迷人

搞掂個頭，當然要配襯飾物。我嘅心水係千祈唔好過分隆重，簡約戴一條頸鏈，又或今季潮興嘅粗手鈪都係Best Pick！

仿水晶頸鏈 $228	黑白玻璃珠手鈪，綴上大朵黑色花花，Vivi話襯香檳色裙一流。$98	（左）扭紋珍珠手鈪 $188 （右）綴蝴蝶結珍珠手鈪 $188

叻生：開學文具用品展

囝囝就快開學，又要幫佢買各式各樣書寫文儀用品、筆記本、美勞用品、文件夾、包書膠等，即係代表我嘅存款數字又會直線下降！好彩由即日至9月15日，商務印書館舉行「開學文具用品展」，所有開學文具將一律以9折發售，益智多媒體及電子產品亦會以95折優惠，另外，部分精選產品更低至7折，得閒就要同老婆去入貨啦！

網址：www.cp1897.com.hk/

查詢：6098 9645