Dick Lau：
近日甘肅發生泥石流慘劇，在差不多的時間，我來到日本神戶，站在16米高鐵人28的胯下，感觸良多。這個巨人，不像那個1:1高達單純為宣傳而誕生，16米鐵人28其實是眾多當地商戶及民間組織，眾志成城集資籌建，它背負着代表當地街坊，向全世界人說：「我們已從阪神大地震的傷痕中重新站起來！」的使命，此時此地，祝願受災的中國同胞們，可早日站起來。
Konnie：
內地再有問題奶粉出現，今次話有女嬰飲咗小咪咪會變大。嘩！咁神奇？唔知女士們飲咗，咪咪會唔會一樣變大呢？如果真會再次變大，姊妹們咪唔使咁辛苦走去隆胸囉！不過講就係咁講啫，話明係問題奶粉，相信唔會有姊妹夠膽飲囉！呢班無良奸商咁衰，計我話應該罰佢哋飲晒啲奶粉，仲要一日飲三餐，等佢哋個個變晒E Cup Baby。
Kay：
來到土耳其第一大城市伊斯坦堡，必定要到著名的杜瑪伯爵水晶王宮參觀，其細緻建築、布滿水晶擺設的裝潢固然宏偉，但也不及守門口的靚仔士兵吸引，大家紛紛衝上前去跟他拍照。兵哥在烈日當空下依然緊守崗位，看他大汗疊細汗，真替他辛苦。這時突然有另一位兵哥出現，拿出紙巾細心幫他抹汗，看見兩位男士如此親暱的畫面，忽然想起哥哥跟偉仔部《春光乍洩》……
