有機食品開倉，但唔知買咩好？不如聽吓營養師點講。
市面愈嚟愈多有機食品售賣，咁啱叻生公司附近新開咗間專營健康同有機食品批發兼零售嘅Grocer，仲做緊減價，我當然去八吓！不過眼前咁多產品，真係無從入手，於是打電話畀相熟嘅註冊營養師何智衡（Douglas）傾幾句。Douglas話真正嘅有機食物係不含農藥、防腐劑、化學物質，以及未經基因改造：「就營養角度嚟講，有機產品與一般食品相差不大，但含有較多礦物質同維他命。此外，有機食品仲包含保護環境理念，所以得到唔少追求健康生活朋友推崇。」我特別情商Douglas同大家講解吓有機食品嘅營養價值，等大家學多啲嘢！
營養師Tips！
Douglas話07年美國伊利諾伊州大學的研究指，瑪黛茶含有重要的抗氧化生物酵素，有效促進人體的好膽固醇，並同時降低能夠誘發心血管病的壞膽固醇。其次，因為瑪黛茶有高濃度的馬黛因（Mateine），呢種類似咖啡因嘅物質可以短暫性提高機能同新陳代謝，同時亦有利尿作用。Douglas提醒大家，瑪黛茶不適合空腹飲用，如本身有失眠、消化等問題，也不宜長期飲用。
營養分析
橄欖油 具抗氧化功效
含單不飽和脂肪酸，有助維持好的高密度脂蛋白膽固醇，及降低壞的低密度脂蛋白膽固醇，亦含有豐富亞油酸、亞麻油酸，豐富維他命E、A、D、K，具有抗氧化、調節膽固醇、美容等功效，兼減低罹患冠狀心臟病機會的作用。
麥片 改善血脂
屬高纖維膳食，市面上一般分為燕麥片和麥片，穀類麥片一般含較多非水溶性纖維，對改善消化問題如便秘等效果較好，而燕麥類水溶纖維可改善血脂及維持血糖。
乾果類 營養冇流失
蔬果製乾後只會失去水分和部分維他命C，卻不會流失其他營養成分，所以乾果的營養幾乎與新鮮蔬果相等，連美國《時代》雜誌也曾評選它為現代人十大營養食品之一。
查詢：8201 2168
叻太精選
Cocoa Farm無糖純朱古力，低糖分啱晒我哋呢啲貪食又貪靚嘅女人。 特價$18
獨家代理英國Whittard of Chelsea Chocolate Powder，以西非象牙海岸優質可可豆製成，有70%可可成分，味道濃郁。
特價$75
SOSALT天然幼海鹽，以古法天然生產，蘊含鉀、鈣、鎂、鐵等多種豐富礦物質，適用於各類烹調煮食。 特價$21
叻生：電解水機飲靚水
雖然話男主外、女主內，但係我好重視一家人嘅飲用水，當日囝囝出世前，我就專誠買濾水機用。早兩日聽同事Peter講，原來水嘅酸鹼度對健康大有影響，如果能時刻飲用乾淨嘅鹼性健康水就最Good……哦，有辦法！Panasonic推出兩款全新健康電解水機，新型號利用特殊濾布、粒狀活性炭、粉末活性炭、陶瓷同埋中空絲膜等過濾材料，將過濾後嘅淨水電解，製造成鹼性離子水及酸性水，有效紓緩胃部刺激狀況，改善腸胃功能。水機亦可按需要製造出唔同酸鹼值嘅水，如3段鹼性飲食用水、1段弱酸性美容用水、不經處理嘅純過濾水都得。啱晒我心水！
查詢：2833 0955
叻太：法式髮飾好得戚
尋日同啲媽咪Friend飲茶，遲嚟嘅Fiona話有禮物送畀大家，原來係法國髮飾品牌Alexandre Zouari嘅副線— Chic & Mode嘅小童頭飾。話就話係小童款，但其實都好啱童心未泯嘅少女同熟女，髮飾全由法國原廠人手製作，又唔會大量生產，實唔怕同人撞款啦！等我買個靚頭飾送畀啲姪女、姨甥女先得！
查詢︰3152 2213