街機版或者PS版嘅拍拍機相信大家一定有玩過，貪佢啲小遊戲得意又過癮。近日App Store就有一個拍拍機App畀你download，玩法同普通拍拍機冇乜分別，不過係由香港人創作，你唔係唔撐呀？

本地素材做背景

「一盅三件」、「後巷影快相」、「解拆屏風樓」呢啲遊戲名一聽就知夠晒地道，原來遊戲仲用上香港地道事物作為素材，再加入廣東話旁白，夠晒親切。付費版就有齊11個小遊戲，仲可以影埋個樣放入遊戲玩，實在有趣！開發者仲話遲啲會加入更多新遊戲同支援藍芽對戰功能。

中文解說，唔使驚唔識玩。	「食豆狂魔」可以換自己張相落去，不過只限付費版。	完成一系列小遊戲後，仲有圖表幫你進行分析。