Jeff：

趁住假期到AV Show行咗轉，話明係高級音響視聽展，隻隻喇叭閒閒地都幾十萬上落，唔趁依家試聽仲等幾時？好彩AV Show唔似o靚模節咁逼……唔係，本來應該叫動漫節、電腦節。不過都畀我喺米樂、聯興等攤位見到靚女Show Girl，吹完水再行過去發燒房，搜羅一下SACD試機天碟，買嚟第時試Amp煲喇叭時用，咁就消磨咗半日。

CYP：

最近備受注目的電影《潛行空間》結局惹來各方討論，甚至有人細心分析、大膽假設。小記在此就不談論劇情，反而想說說這位現年才不過40歲的天才編導 Christopher Nolan。原來在他最早編導的電影《Following》（1998）內，其中一位主角的名字也叫Cobb，是一個聰明又自信的小偷，而Leonardo DiCaprio 在《潛》片中飾演的Cobb工作也同樣是偷，只不過偷的卻是別人的夢。不知道兩位Cobb是否有關連呢？

Vincent：

小記由細到大都好鍾意玩手機，前排經過先達，見到啲客猛問iPhone 4幾時有貨，而旁邊啲日系手機就封晒塵，真係唏噓。仲記得7、8年前，鴨寮街嘅日系手機賣到成行成市，當年SH字頭已經玩緊320萬像素CCD鏡頭，仲要係摺機扭芒，跟當年同期手機相比，簡直超晒班。不過，自從iPhone面世後，強勢攻陷全球手機用家，搞到日本廠商都跟住iPhone走，連小記呢位日系手機粉絲都轉埋會！