世盃之後，餓咗波成個月，終於等到英超開鑼，掃定零食啦！

自從世盃完咗，我哋成班佬就好似世界末日咁，個個都冇嚟精神，有如行屍走肉！好彩，喺未病入膏肓前，我哋終於等到英超開鑼，即刻心情都迴光返照，趁住聽晚有波睇，即刻孖住老婆同我去City'super、馬莎新開嘅小食專門店掃貨，準備同班「巴打」一齊睇波。我捧邊隊？仲使講嘅，一向都係曼聯Die Hard粉絲嚟o架啦，雖然聽晚佢哋冇份踢，但我一於着埋佢哋今季嘅新波衫，食住薯片睇波啦！Yeah！

沙爹豬肉串燒，啖啖肉。 $42（b）

咪話我食得招積，呢個安格斯免治牛肉批真係夠卡士呀！ $28（a）

叮叮熱選

夜晚睇波餓餓哋，叮啲熱嘢食就最飽肚，而且最梗要快嘛！

黑椒薩拉米香腸片 $27.5（b）	墨魚天婦羅 $18（b）	甜蝦仔魷魚絲 $28（b）

佐酒良伴

成班「巴打」睇波，少不免飲啤酒啤啤佢，咁梗係要搵啲嘢送酒啦！

多菜少麵嘅雜錦拉麵，飽肚又好味！$19（b）	辛辣味筒裝粟米片 $28（b）	鰻魚味百力滋餅乾條 $14（b）

方便杯杯

睇波梗係食杯杯裝嘅零食最方便啦，一人一杯，衞生企理呀！

一叮即食嘅金黃糖漿味燕麥粥，有益又方便！$16（a）	足球朱古力棒棒 $15/支（a）	明目花茶

香口脆脆

唔使講啦，睇波不可不吃脆脆薯片，滿口嗦嗦聲，好鬼爽！

叻太都有份！

我都係球迷，買零食當然都要預埋我！

我特登揀啲健康零食混入叻生啲零食，費時佢食到肥晒！

明目花茶

睇波睇得太耐，對眼容易乾爭爭，好彩老婆會焗杯明目花茶畀我飲，依家公開益大家！

材料：菊花5朵、杞子1錢、蜂蜜少許（一杯分量）

製法：先將菊花及杞子放入熱水中焗一會兒，待微暖再拌入蜂蜜，即可飲用。

功效：明目、清熱、滋陰

宜忌：蜂蜜容易惹痰，痰多人士可只用菊花及杞子焗水。

查詢： （a）2922 8061　（b）2506 2888