屋企如果有啲充滿藝術氣息嘅家品，生活增添情趣，的確係賞心樂事！

好耐無上過山頂，趁囝囝放假，咪一齊去玩吓！咁就發現山頂廣場嘅G.O.D.最近推出一系列同美國薩凡納藝術設計學院（SCAD）合作嘅家品，SCAD係全球最全面嘅藝術設計大學，其香港分校亦即將開學。今次將二十多件富創意嘅家居飾品帶嚟香港，包括文具、禮物袋、禮盒等，全部都係由呢間學校具設計天分嘅學生、校友同教職員藝術家，經由大學嘅工作室設計，呢批產品首先响山頂廣場分店售賣，先買為快囉！

時裝模特兒瓷器圓形餐碟，好有Art Piece感覺。$550/一套四件	簡約嘅波波圖案沙律碟，靚得交關。$65/隻	插畫家Allan Drummond設計嘅8吋瓷器餐碟，描繪法國普羅旺斯山邊嘅淳樸鄉村Lacoste光影。$315
顏色鮮艷嘅動物頭掛飾 $950起	Savannah Toile系列枕頭。$315	由Tucker Waugh設計，以牢固嘅阿加力膠片交叉拼砌而成嘅枱燈，中央係淚珠形裝飾，兩塊桃木夾板同白色阿加力膠片製成可替換嘅鼓形燈罩。$1,560
由Charles Heydinger設計嘅時鐘，以彈性矽膠製成，可隨意地由正方形拉伸成個人喜愛嘅形狀，可由原來尺寸9吋×9吋，伸展至12吋×12吋。$390	黑色樹葉圖案袋 $80	啡色花花輕便袋 $50

解構SCAD

美國薩凡納藝術設計學院（SCAD），成立於1978年，而工人階級工作室係美國設計學院內嘅一間產品研發公司，目的在於培養同啟發具設計天分嘅學生、校友及教授等不斷創作。香港分校將於今年9月開課，其校址設於前北九龍裁判法院，屬活化歷史建築伙伴計劃、經復修活化後再使用的建築物。

叻仔：親親馬仔活動

表姐打電話畀我，佢話每年一度嘅大型戶外親子活動「開季試閘樂滿Fun」就快舉行啦！當日有多項趣味性活動，包括小馬策騎、馬匹護理及釘甲示範、與雪特蘭小馬拍照等，既可增加我哋對護理動物嘅常識，又可培養對馬術運動嘅興趣。其他活動仲有巨型吹氣彈床、騎師訓練學堂及親子工作坊等，一於叫爹哋媽咪陪我玩足一日先！

日期：8月28日

門票：每套$20，大小同價，先到先得，售完即止。3歲或以下小童免費入場。

地點：沙田馬場

時間：1:00pm至7:30pm

交通：穿梭巴士免費接載往返沙田港鐵站及馬場

查詢：1817

網址：www.hkjc.com