20分鐘前

來自新浪微博

金枝：

多得酒店公關Calanthia安排，上星期採訪Upper House時有幸深入地庫的食物儲存倉拍攝，那裏比「時×迷你倉」更細，包保冇倉底貨，同埋認真講，食材真係粒粒皆新鮮！我們把部分食物籃拿到倉外空地拍照，更即時Role Play扮街市菜販同買餸師奶，仲為咗講價而差啲大打出手，演得入型入格o架！ 絕對是咁耐以嚟最開心的採訪經驗！

4分鐘前

來自iPhone客戶端

Angelamamy：

最近忙到連食飯都冇時間，惟有餐餐用麵包頂肚。向來對麵包要求甚高，現在用來代替正餐，吃得更嘴刁。坊間的麵包水準參差，有平有貴，不過有時10多元一個麵包，質素一樣可以好差；反之2元一個菠蘿包，Size不大不小剛剛好，脆皮鬆化不散，包心又軟又香，好味到不得了， 令人留下深刻印象。

19分鐘前

來自Android客戶端

S.man：

唔係賣廣告，唔係寫鱔稿，呢包Tabasco番茄味薯片，純粹係我個人推介。跟Tabasco相戀10幾年，它總在我冇胃口的時候安撫我，無論食乾炒牛河、吉列豬扒，甚至菜芯炒牛肉，佢都會陪住我。 　 早前喺屋企樓下間Superstore見到呢款薯片，貪過癮買咗一包試試，點知一食上癮，第二日即刻再去掃咗半打，但今次食晒想入貨，已經不見其蹤影，所以話下次見到心頭好，一秒都不能猶豫，一於買咗先算！