就算小記支持減開冷氣支持環保，但要在攝氏30幾度烈日下四處走，的確辛苦難頂，所以除非工作需要，否則都會盡量留在冷氣房內。但夏日炎炎又沒理由放過玩樂機會，幸好香港地有不少美食速遞服務，質素高又隨傳隨到，想約埋朋友仔開Home Party，幾時都冇問題！

今時今日當模特兒一點不易，出寫真、跑簽名會、宣傳再接Job，忙到冇時停，但也要找個時間玩番吓，像Liz、Ayu及Asa 3位靚女，一有時間就會跟同門姊妹開派對，品嘗自家製及外賣美食，聊聊天歡度輕鬆晚上。

直通粉 $88（9吋）、$108（12吋 ）、$148（16吋）特別口味的薄餅，用上意大利通粉配合意式肉粒，呈現簡簡單單的意式風情之餘，又夠飽肚。

BBQ雞肉$88（9吋）、$108（12吋 ）、$148（16吋）

NYPD　外送得獎薄餅

特別愛食的Liz，每逢家中有人生日，都會帶頭在家中開大食會。談到柯打外送美食，不時會跟朋友開派對的Asa就必叫薄餅，原來小妮子平日都會叫薄餅速遞當晚餐，最近拍攝薄餅店廣告，一連食足30多件都不怕膩！相信位於鰂魚涌的薄餅速遞店NYPD就最啱佢，小店有近20款薄餅選擇，當中包括代表中國榮獲世界Pizza大賽第4名的BBQ雞肉薄餅，每款口味設有9吋、12吋及16吋，餅底以加拿大麥製的麵粉，花上48小時發酵製成。這裏一個薄餅可有兩個味道，亦可在5款醬汁中自選1款，再配上多達25款餡料，創作自家味道。此外，店子亦供應多款三文治、意粉及小吃，只要定單夠$120，即可外送，簡單方便。

意式飯糰 $30/2件	巴馬火腿、芝士、番茄、芝麻菜、黑松露油脆包 $60/份	Liz(左)、Ayu(右)

Magia　美食與魔術師到齊

年紀最輕的Ayu還是學生，開派對的機會最多，尤其愛約同學仔回家開Home Party，舒服又省錢，但由於烹飪經驗尚淺，她每次都只負責雞翼、菠蘿腸仔等簡單食物，建議她下次找食物速遞公司幫手。像主打意式三文治的Magia，分有意大利入口的Panini及本地少見的Piadina，此外亦不缺意式薄餅、Pasta、沙律等，就連意式飯糰及甜品亦有提供，而且味道地道正宗。原來小店由來自米蘭的意大利人Rizzi兄妹主理，使用意大利入口食材，即叫即製真正意大利風情。小店位於灣仔，外送到港島各區最低消費$100至$500。值得一提，小店名字「Magia」，在意大利文有魔術之意，所以特別設有「到會魔術師」服務，連派對活動都不用動腦筋，輕輕鬆鬆就可以搞個完美Summer Party！

8-15人派對也可在Magia的店子舉行，每人消費$200，便可以包場，即叫即製即品嘗菜式。	店主與魔術師公司合作，能為大家找到適合派對主題的本地或外國魔術師表演助興，收費每小時$1,000。	茄子番茄醬長通粉 $50/位Pasta可選長通粉、意大利粉或螺絲粉，這款茄子番茄醬口味，雖然為素菜，但濃郁味道中帶點香辣，估不到如此惹味。查詢： 2529 2926

BBQ雞肉

$88（9吋）、$108（12吋 ）、$148（16吋）

薄餅餅底做得出色，加上烤雞肉、煙肉、紅洋葱、芫荽及BBQ醬等，炮製成惹味、香濃的薄餅，難怪能代表中國獲得世界Pizza大賽殿軍。

意式飯糰 $30/2件

名為Arancino的西西里家常菜，以Mozzarella芝士混合菜蔬或豬肉，再用意大利飯包住，即時上麵包糠再炸脆，滋味層層遞增。

Liz小檔案

中文名：李莉琳

年齡：22

最愛食物：酸辣菜式、日本菜

Asa小檔案

中文名：關莉莎

年齡：20

最愛食物：意大利粉、薄餅

Ayu小檔案

中文名：王梓如

年齡：18

最愛食物：日本菜、任何甜品