平日熱到冇晒心機？來到星期日，最透心涼的活動，莫過於遊船河。遊船河怎可以只是吃吃喝喝、曬太陽這麼簡單？有否想過順道玩玩私家水上遊樂場？今年有船家安排兩項至激水上玩意「4 in 1」私家浮台及「飛魚」，讓大家大玩特玩，Let's Get Wet !
遊船河是夏日大熱活動之一，除了可欣賞沿途風景外，又怎少得極度刺激的水上玩意？每年不少船家都引進新型的水上玩意，今年就有集水上滑梯、彈床、平衡木、平台這四大功能於一身的「4 in 1」私家浮台，以及玩法類似香蕉船的「飛魚」，就連其中一位不諳泳術的模特兒，都玩到樂不可支！
激玩之選
Bliss Boating專辦遊艇租賃、遊船河、夜釣墨魚、水上玩意、到會美食、生日船P等，每年均引進新型的水上玩意，今年的4 in 1及飛魚，堪稱全港獨有。據負責人阿恆說：「船河一般會去大蛇灣、白腊等，由西貢碼頭出發，最少要走一小時的船程，該處較風平浪靜，而且較少船隻，可玩得放心。」
4 in 1 玩法超多
叫得4 in 1，當然是玩法相當多，你大可發揮創意，設計不同的遊戲。負責人阿恆說：「這個水上玩意最得小朋友歡心，愈多人玩就愈開心，最多試過11、12人，亦試過有人與三五知己攤在中間的平台上，喝喝紅酒，享受日光浴，談天說地。」
飛魚 We嘩鬼叫
玩法跟香蕉船差不多，同樣是由快艇以高速在水中拖行，相當刺激，人人都玩到We嘩鬼叫，而且一定會濕身。阿恆表示這個水上玩意深受年輕人歡迎，如果想玩得好，究竟有何竅門？他教路說：「大家最緊要把重心坐後，坐得安全之餘，亦要坐得夠後，才可幫助托起飛魚。」
玩資訊
收費：平日 $3,000起（包船出海、快艇及指定水上玩意等，視乎不同活動內容、日期而別），20人起
查詢：9167 8255
網址：www.blissboating.com
動靜都玩得
如果驚上述水上玩意太刺激，承受不來，小記介紹一些較為輕量級的水上玩意，一樣動力十足。此外，對於一些只想靜靜地吹吹海風的人士，可能較適合一些簡單的海上旅遊路線，亦不失為一家大細周日的好去處。
動力十足
Wake Luvi專辦中西式遊艇、各種水上玩意、夜釣墨魚、漁排派對等。至於有興趣滑水的人士，她們亦可安排香港滑水總會一級合資格教練教路，平日每小時$450起，上船地點是西貢碼頭。
玩資訊
收費：平日$4,000起，20人起（視乎不同活動內容、日期而別）
查詢：6070 7073
網址：www.wakeluvi.com/
愛靜之選
香港雙體船會積極推動香港綠色生態旅遊，海上旅遊路線包括香港環島遊、果洲群島遊、赤柱體驗遊、六角石和海洞遊、維港體驗遊及東坪洲遊。其中「香港仔、赤柱、蒲台島」是最新的海上遊路線，每逢星期日出發，每位$95起，費用不包括酒店接載。
玩資訊
香港雙體船會
查詢：2511 9398
網址：www.cata.hk/
玩後感
3位模特兒瞓身體驗了這兩款最新水上玩意，究竟他們有何感受跟大家分享？
Jerry
「4 in 1好似浮台一樣，企响上面比較難平衡。至於飛魚，玩完後真係好攰好攰，佢簡直係橫向式嘅香蕉船，任何人玩最後都應該跌落水！」
Sarah
「响電視節目見過類似4 in 1嘅玩意，玩得好開心！飛魚好玩過香蕉船，奉勸各位長頭髮女仔唔好紮辮玩，我玩到連膠筋都飛甩呀！」
Shirley
「飛魚好好玩呀！我認為以雙腳跪低嘅姿勢玩會安全啲，否則驚拗柴！至於4 in 1，愈多人一齊玩就愈開心，真係好啱遊船河時玩呢！」