翻開各大小潮流日誌，近日妹穿戴的服飾，離不開草帽、花花、橫間及牛仔服飾，趁着減價戰開始，一於跟住o靚模Hailey照單執貨，包冇買錯！

雖然氣溫仍然酷熱，但時裝潮流永遠走得快過天氣，夏季服飾紛紛下架，各大店舖為騰出空間放新貨，當然又來減價促銷，想執平貨當然要趁早出擊，預先寫定Check List，搶貨都快手過人啦！

Lowrys Farm牛仔工人褲 原價$669 特價$409（b）

Mysty Woman格仔拼貼布料Tube Dress $799（a） as know as de base草帽 原價$399特價$329（c）

條子服飾 夏日長青

夏天自然令人想起藍色海洋，航海主題是時裝界常客，當中條子元素更是長賣長有，不論是少女日牌，還是時裝大牌的設計師都喜歡以此作靈感。今批部分減價貨品百多元有交易，買多幾件留番下年着都得啦！

條子服飾	tout a coup橙×白色條子蝙蝠袖Tee 原價$259 特價$182（a）	Lowrys Farm杏×灰色條子中袖Tee 原價$279 特價$199（b）
as know as pinky粉紅×白色條子短袖Tee 原價$529　特價$371（c）

草帽潮人必備

今個夏季，草帽深得潮人歡心，不但設計極具型格，運用天然素材夾雜傳統手工藝編織而成，好處是物料較挺身又硬淨，比較襟戴，而其獨特的編織構造亦適合炎夏佩戴。由於草帽屬今季大熱貨色，所以減價幅度不算太大，幸好牌子及款式選擇夠多，慢慢揀總有一款啱心水。

放大圖片	Heather粉紅色草帽 原價$239特價$169（b）	Jeanasis橙色草帽 原價$349 特價$239（b）
Pageboy絲巾草帽 原價$559　特價$336（a）

牛仔布無分季節

今夏時裝界吹起一股Denim Style熱潮，牛仔褲、牛仔恤或是牛仔裙，更是不可欠缺的一環，於今回減價貨之中，姊妹們必掃牛仔布料工人褲，減價後$500唔使，絕對買得過。另外，用作配搭的牛仔裙或是牛仔恤亦是不錯之選，姊妹們不妨考慮一下。

	Jeanasis牛仔背心款連身褲 原價$659 特價$459（b）	Jeanasis牛仔短裙 原價$509 特價$359（b）
Jeanasis牛仔紮染效果恤衫 原價$459 特價$279（b）	Lowrys Farm牛仔工人褲 原價$669 特價$469（b）

碎花Look少女味濃

每季少女日牌都玩花花主題，而大部分款式來來去去總是以碎花或大花圖案出發，不過縱然季季如是，妹依然受落。最抵玩的花花小袋子，折實價只需$100，買來用一季都好啦！

Pageboy白×紅色碎花上衣 原價$799特價$569（a）Pageboy白×紅色碎花短褲 原價$799特價$640（a）	碎花Look	Lowrys Farm橙色碎花手挽袋 原價$369 特價$229（b）
Ray Cassin橙色碎花小袋子 原價$199 特價$100（a）	Lowrys Farm藍色花花短褲 原價$369 特價$259（b）

查詢：（a）2697 0510（b）2696 9222（c）2890 9636