唔係睇錯呀？李小龍Figure唔係由Enterbay出開嘅咩？Hot Toys都出埋一份？仲要係最經典嘅《龍爭虎鬥》？一啲都冇眼花，仲要一個價錢3個造型，動漫節期間預訂再平一舊水兼送多個Body；以本傷人，龍迷高興，但今次Enterbay頭痛了！

再次火併E記

HT早於動漫節前已事先張揚會推出DX04系列，玩具迷一真估係《超人》還是《Ghost Rider》，勢估唔到竟然係李小龍，繼《教父》後，HT再一次與E記正面交鋒。玩得李小龍，唔似唔收貨，E記有神級大師金亨彥坐鎮，HT亦請來八位大師合作，單係Yulli雕頭、JC.Hong上色已經係信心保證。若果硬要比較，HT的靚仔Look無論眼神、臉頰或多層軟膠頭髮都算神似，雙眼在P.E.R.S技術下還能360°轉動，整體上有力跟對手一併；惟「戰損版」的雙眼雖然可動，但略嫌有其形而欠其神，期望大貨時能再作改善。

正常版 送正常及戰損版兩個頭雕，前者形神俱備，後者尚算合格，不過雙眼略欠神韻。	戰損版	Body為重新打造，皮膚紋理同傷痕似到十足，只係太過筋肉人，唔夠自然。

全新打造爆肌Body

《龍爭虎鬥》被譽為李小龍巔峰之作，打鬥最多，身形也是巔峰狀態。這方面HT特別製作了一款全新爆肌Body，技術上跟先前的狼人有點相似，外層係膠皮，內裏係PVC骨架，有肌肉感得嚟又不失靈活性；最正係塗色時加入反光物料，令汗珠幾可弄真。只可惜由Noh Sung Woon雕琢嘅肌肉似乎過於誇張，似盔甲多過似人肉，若能減少「坑紋」數目，相信會自然一些。電影另一特色係造型多，Figure除可Show Off肌肉外，還有一套白色唐裝衫同夜行衣替換，配合結局出現嘅鏡房布景，Fans買多個Body就可來個一雞三味，一次玩盡3個李小龍。

JC.Hong親臨動漫節造勢，問佢會唔會出埋石堅飾演嘅韓先生，佢就笑而不答；據知HT今次買咗整套電影版權，以佢哋慣例，出埋其他配角嘅機會好大。	送一件白色唐裝衫，戲中龍哥單挑仇人敖家達就係着呢套。	共送14隻可換手掌，數量為DX系列之冠，而且有齊詠春、捽鼻等手形。
有齊少林齊眉棍、菲律賓短棍及雙節棍等武器，最抵死係送埋條蛇，畀玩家放入夜行衣嘅索袋入面。

查詢︰2388 4677（玩具狂熱）