暑假商場活動特別多，要探米奇老鼠未必要去東涌，近近哋去黃埔就得啦！

香港冇乜地方啱一家大細去，所以我哋買齊兩大主題公園嘅全年通行證，心血來潮就可以去玩！不過下下入東涌，皮費都幾重，好彩紅磡黃埔新天地依家正舉行「經典米奇光影世界」，展覽主要分兩大展館，一邊係展出多張懷舊海報，以及分別為1928、1929、1930及1998年造型嘅米奇珍貴Figure；另一面就係全港第一個以懷舊米奇為主角嘅立體影院，大家只要安坐喺立體螢幕前，唔使戴立體眼鏡都可以欣賞猶如喺空中浮動嘅立體米奇動畫，米奇好似識飛出嚟同大家Say Hi咁o架！另外，商場逢周末會有唔同嘅親子工作坊，好似整甜品、專人教畫正宗米奇等，我同囝囝聽日又有好節目啦！

1928年 煤炭眼	1929年 大眼睛	1930年 罕有派克眼
1998年 有眼白	場內消費滿$1,000（以合共兩張即日電子貨幣發票計），可免費換限量版4GB米奇手掌USB，勁吸引喎！	體感遊戲 逢星期五、六、日舉行，凡消費滿$100或以上便可參與，玩法就如大熱遊戲《Cooking MaMa》，小朋友更可挑戰高分，贏取米奇禮品。
齊睇懷舊展 懷舊展館內有4隻唔同年份嘅米奇Figure，以及多張經典漫畫插圖，可以坐喺梳化細心欣賞。	超長眼睫毛嘅懷舊米妮，一樣咁靚！

「經典米奇光影世界」

日期：即日至8月22日

時間：12:00nn至8:00pm

地點：黃埔新天地時尚坊

查詢：2121 8344

立體影院

將從未曝光嘅米奇卡通動畫嘅珍貴片段，以影像技術再造，十幾分鐘嘅片段秒秒都咁精彩，浮現出嚟嘅米奇畫像更幾可亂真！不過最正都仲係唔使錢免費睇！

日期：即日至8月22日（逢星期六及日）

時間：每小時放映一次

費用：免費

戶外用品買3送1

夏天成日着背心，所以我同啲女人一樣，都會行吓山Keep住身形，所以我有筍嘢同猛男們分享！有「長毛象」之稱嘅瑞士戶外服裝品牌Mammut，佢哋新開嘅香港區總店做緊優惠，由即日至8月31日，凡以正價購買新貨即可享買3送1優惠！此外，全線專門店亦於同期推出夏季特惠月，大量產品如戶外鞋、風褸、背囊等更低至四折！平時啲正貨講緊要過千，依家幾百蚊就買到，認真抵！

查詢︰2726 3006

私語張愛玲

學生妹嗰陣已經係張迷，一直係張愛玲嘅忠實讀者，由經典嘅《傾城之戀》一直追睇到近年嘅《小團圓》，迷醉於張小姐筆下嘅男女角力戀愛世界。知道出版社新出咗《張愛玲私語錄》，第一時間買嚟欣賞，書中大部分篇幅係張愛玲半生好友宋淇夫婦撰寫佢哋心中嘅張愛玲，等讀者更了解呢位傳奇女作家嘅個性同創作過程，最精彩係更收錄張愛玲與宋淇夫婦來往40多年嘅信件，內容大部分係首次曝光，隨書更附上遺囑手稿，真係彌足珍貴！我等張迷如何能錯過！

售價︰$88

查詢︰2529 1778