媽咪幫我報咗好多暑期興趣班，其中我最鍾意玩黏土，只要搓吓搓吓就整咗個公仔出嚟，真係好有成功感！聽同學仔Marcus話，嚟緊海港城同聖雅各福群會陶藝工作室一齊搞咗個「泥造人 樂做人」陶藝展覽，支持弱能人士發展陶藝潛能，仲話今次展覽會展出超過20件陶塑作品，最高嗰件作品仲有1.8米高，展覽同時有競投環節，收入用作陶藝發展，咁有意義，我都叫媽咪帶我去睇吓先！

日期： 8月2日至17日

地點： 海港城海運大廈地下KidX

時間： 11:00am至8:00pm

查詢：2118 8666

叻太：日本娃娃香水樽Cutie！

我哋女人揀香水，除咗揀香味之外，個香水樽都好緊要，我最鍾意夠Charm夠Cutie嘅香水樽，好似走可愛甜美路線嘅香水品牌S.CUTE，最近又以俄羅斯娃娃嘅概念，推出唔同國家文化嘅娃娃香水系列。率先登場嘅係Love Kyoko日本娃娃香水，顧名思義，香水樽係着住日本和服嘅日本娃娃，粉櫻花顏色夠嬌俏，加埋個球型髮髻，真係夠晒得意，就算當擺設都夠睇頭啦！

查詢：2314 7887

叻生：食住玩幪面超人祭！

老婆細個最鍾意小甜甜，我哋班佬就梗係鍾情幪面超人啦！記得細個返學時，成班仔都識得擺超人「殺架」甫士，我一直收埋咗好多幪面超人玩具，最近先拎出嚟同囝囝分享之嘛！不過，最開心係聽到小學同學Johnny講，話嚟緊亞洲國際博覽館舉辦香港首個以幪面超人為主題嘅大型展覽同Live Show，而諾富特東薈城酒店喺8月17日至22日仲推出「幪面超人．東涌食、住、玩之旅」，只需$1,288起就可入住酒店一晚、享用雙人自助早餐，同埋可以得到「幪面超人祭」入場券及「幪面超人大決戰Live Show」門票兩張，仲可以得到限量版幪面超人紀念卡2張同證件繩2條，當中一位16歲以下小朋友仲可以免費入住同享用自助早餐添！唔使講咁多，即刻訂房先！

查詢：3602 8800