樓上見田園

喺新蒲崗工廠區，竟然搵到間專賣田園雜貨嘅樓上小店，即刻好Fresh呀！

向來都好鍾意啲田園Feel嘅雜貨，鍾意佢哋好有手作仔嗰種Raw Raw哋嘅感覺，睇到啲花花、太陽、兔仔造型，再加埋勁Colorful嘅色調，感覺好清新！

太陽花與小蜜蜂鐵製澆水器 $100

清新花花信件箱 $120

喺新蒲崗發現呢間「Home Garden」田園雜貨小店，咪睇佢舖仔細細，其實擺設好精緻，主攻田園雜貨同埋仿古精品，由燭台、儲物櫃、擺設、掛畫甚至花樽都有，而且貴精不貴多，每款都係一件起兩件止，唔使驚同人撞款，絕非夜冷舖同一款Product幾十件嘅清貨款式，而且價錢唔貴，只係幾十蚊至百幾蚊上落，鍾意田園Feel嘅粉絲一定會搵到心頭好。