香港地，想開餐方便就腳又食得飽，茶記（茶餐廳）肯定係首選。如果你對茶記印象麻麻，以為一定有「手指茶」、「年初四夥計」，思想還停留在《行運一條龍》的年代，小記可以代為平反，因為有茶記改走新派路線：專門到用北海道3.6牛奶、即場出爐燒味、設魚缸任揀海鮮等……咁有心思，值得撐足三餐。

8:30am 北海道滑溜滋味

朝早起身，落街食個早餐，鮮奶炒蛋湯意粉，仲未悶？好，幫你的味覺享受升呢，食物飲品全部用北海道3.6牛奶炮製，咁架勢，說的是「北海道牧場餐廳」。老闆John希望突破茶記固有模式，特別選用大熱靚牛奶做主題，炮製茶啡、炒蛋、西多士蛋漿、意粉湯底等。

嘩！乜你咁老土o架，依家啲茶記好型o架！

親子餐$28（只限中環店供應）火腿絲湯通粉、腸仔、蛋及牛油多士，分量的骰，飲品亦變成好立克或阿華田，後者面層加了大羹阿華田粉，睇見就想飲。

銅鑼灣總店長期要排隊，早前John覓得中環舖開分店。新店開在商廈8樓，面積逾2,000平方呎，比總店大上幾倍，淨白、簡單得舒服。

富良野蘑菇腸仔奄列$30拌入北海道3.6牛奶來炒的蛋分外滑溜，包着本菇、蘑菇及蜜糖腸等，分量逼爆，加點黑椒粒、海苔絲好好味。	麥芽糖西多士餐$30（只限中環店供應）咪以為麥芽糖Out，實則粉絲眾多，味道亦沒普通糖漿般甜；西多士用加入北海道3.6牛奶來開的蛋漿煎香，切開有滿滿的咖央餡或花生醬餡。	中環分店位處於商廈8樓，居高臨下好風景，2,000平方呎面積夠闊落。

John補充假日常有一家大細幫襯，所以店內準備了嬰兒椅，更連隨推出分店獨有的親子餐及麥芽糖西多士餐，親子餐食物全是迷你版，飲品選擇有阿華田或好立克，小朋友可獨享美食，胃口細細的OL亦受落。

豚肉吉列三文治$23為照顧年輕人口味的和式美食，厚身豬柳炸後仍然Juicy、嫩滑，塗點日式醬汁可平衡味道。	鮮豬膶日本出前一丁$39食過爽口的日本產丁麵，以後會同港產及冒牌丁麵絕交！連原裝調味粉、麻油奉客，方便自行調味，豬膶用上新鮮貨，薄切質感爽滑。	「美心香港地」以茶餐廳形式運作，環境乾淨企理，圓枱、卡座與LCD電視，糅合新舊派元素。

查詢：2810 0011

火燄黑椒3A穀飼肥牛粒$62茶記都有火燄表演，有香味兼夠氣氛！肥牛粒牛味重而嫩滑，配菜如洋葱、鮮菇及燈籠椒等很香口。	御品金沙蝦球$72大件頭蝦球要炸得好食，師傅話自製脆粉漿是關鍵，有助保存蝦味、肉汁，更以蝦頭油、芝士粉及鹹蛋黃來推金沙，味道均勻，分外入味。	潮式椒鹽脆皮豆腐$28（推廣價）肯用潮州豆腐炮製，相信只此一家。以加拿大黃豆製的豆腐，香炸後外脆內嫩，如食豆腐花般，豆味亦極香濃，實在好食。
店子主攻年輕一族，店內樓底高、地方闊落，還以水晶燈、魚缸等做點綴，說是酒樓也有人信。

1:00pm 熱辣燒味飯填肚

茶記餐牌選擇多，經常會睇到眼花花，有時怕試新出品，最安全穩陣都係食燒味飯。位於鴨脷洲的「美心香港地」，因店子自設燒味明檔，有燒味爐可控制出爐時間、數量，還用上頂級梅頭、黑鬃鵝等靚料，所以叉燒燒鵝特別新鮮熱辣。

除了燒味，又發現一些經典食物像餡料十足的散尾細蓉（雲吞）、忌廉溝鮮奶等，食得落的話，還可試埋鮮豬膶日本出前一丁、豚肉吉列三文治等「和」味食品。特別留意，這裏有別於一般茶餐廳，水吧及燒味明檔均採開放式設計，清楚看到師傅「功架」，室內布置則帶點仿古，圓枱、卡座，配合LCD電視，大玩新舊交錯。

查詢：2553 6877

7:30pm 即揀海鮮做小菜

晚飯去茶記，到底食常餐、粉麵定碟頭飯？全錯！走入將軍澳的「新一派味道」，分分鐘會有「選擇困難症」。這裏主攻年輕一族：樓底高、地方闊落，有吊燈、魚缸等做點綴，餐牌以外，四周貼滿推介菜式圖片。特色小菜像椰菜苗炒黑豚、四川麻辣水煮雪花肥牛絲、潮式椒鹽脆皮豆腐及御品金沙蝦球等，風味來自五湖四海，老闆柯先生更用靚料炮製，點杯招牌奶茶送飯，夠晒滿足。

去魚缸睇睇，有齊蝦、蟹、鮑魚仔、象拔蚌、石斑等生猛貨色，更可自選炮製方法，跟上海鮮酒家沒兩樣，但卻只收街坊價錢，都幾抵食。還未夠喉，來煲砂鍋雲吞雞煲翅、超濃雞湯菜膽翅如何？平平哋豪一次都得，店內亦有招牌碗仔翅，豐儉由人。

查詢：2701 9188

Miss Saturday Elaine

喜愛的電影： 《我的野蠻女友》、

《每天愛你第一次》

最害怕的東西： 飛曱甴

最不滿意自己的地方： 唔夠高