29/07/2010

播放本新聞相關短片

1:1即睇自組梳化

一張舒適嘅梳化係客廳嘅靈魂,但買梳化絕對係麻煩事,有傢俬店特設全港首創Mix & Match電腦系統,設計款式自己話事,仲可以即時睇到1:1實物影像,夠晒User Friendly!

講緊係茲曼尼响東九龍Megabox嘅旗艦店,佔地逾15,000平方呎,全店最正係一套由法國引入嘅Lectra電腦技術,用家可透過電腦系統,隨意配搭多款布料與梳化,並即時於155吋巨型屏幕睇到Mix & Match效果,投射出嚟嘅影像1:1實物原大,部分仲設有家居場景,可以睇到梳化放响屋企嘅效果,唔使估估吓!

假日同屋企人出街,最怕悶親囝囝,旗艦店另一個賣點係場內設有多用途創意親子區,放置多款超巨型彩色海綿積木,畀小朋友發揮創意。店內仲劃分多個展示區,陳列過百款梳化組合,例如真皮區、布藝區、創意展區等,自問係潮人嘅,入舖頭時唔好行咁快,因為門前係創意展區,展示今年最新設計嘅概念梳化,仲有茲曼尼與本地創作界Crossover嘅家品配件,建議放慢腳步欣賞!

概念梳化

由歐陽應霽設計嘅雞蛋仔概念梳化,有濃厚香港地道色彩。同時亦舉辦「數數雞蛋仔」遊戲,參加者均可獲贈限量紀念版雞蛋仔鎖匙扣,答中雞蛋仔數量者,更可獲得$1,000現金券,截止日期為7月31日。

配合今年米蘭家具展興起嘅撞色熱潮,店子推出最新Square系列,無論坐背、咕o臣、頭枕、坐架、扶手都可以撞出層出不窮嘅皮色,中空方框扶手設計令梳化透視感覺倍增,扶手闊度仲可以配合唔同人士嘅手感要求。原價$17,860、特價$12,502

3座位連貴妃椅

附有線遙控器,可調校電動腳踏,採用特厚黃牛全真皮製,相當耐用。原價$18,770、特價$13,139

查詢︰3194 6370

絲綢成分嬰兒用品

靜靜話畀大家知,年尾我又做表哥啦!我問媽咪可唔可以用儲落嘅利是錢,買份禮物畀BB?估唔到媽咪尋日就帶我去專售天然彩棉嬰兒服飾嘅natures purest,嗰度啲姐姐介紹我哋睇全新傳承珍愛系列,此系列糅合咗天然彩棉與絲綢,仲話絲綢冬暖夏涼,夏天舒爽透氣,可吸去汗水中嘅濕氣,令BB感覺舒適,而冬天絲綢可貼身包裹BB,減少皮膚同衣服間嘅空氣層,令身體保持溫暖。最後我揀咗個禮盒套裝,點知媽咪話我乖,唔使我畀錢喎!

查詢:2302 1466