Konnie：
記得認識少年食神林澄光（Michael），是在3年前一個馬來西亞旅程中，我哋一齊品嘗當地特色嘅「辣死你阿媽」。雖然當時佢沒有現在咁高曝光率，但一樣成日口唔停，唔係顧住講就係顧住食。最近佢終於推出咗第一本處男作《少年食神．約會美食─香港篇》，裏面介紹了41間隱藏在街頭巷尾、毫不起眼的平民味之店，個人認為比起港版米芝蓮更有睇頭。總之無論去到邊，只要跟住佢搵食，就包保一定有好嘢食。
Joshua：
已故菲律賓總統阿基諾夫人的兒子阿基諾三世，喺6月底以壓倒性的姿態就任菲律賓總統。這個被暱稱為Noy Noy的新總統，在競選時經常身穿印有菲律賓地圖的黃色戰衣亮相，而這股旋風更蔓延至時裝界，不少時裝店乘勢推出類似的服裝，以國旗、地圖做圖案，有人甚至將Filipino改成Filipnoy，大大個字寫上I am Filipnoy，HK$50一件，用來做手信夠晒特別！
Chiu：
香港文化於97後，為了迎合大陸市場，明顯大為失色。純正港產片已不復再，變成了採用大量大陸演員、遷就大陸口味的合拍片，廣東唱片同樣變得絕無僅有，廣東歌大都淪為歌手推出國語大碟內的小部分「剩餘物資」，歸根究柢面對大陸人頭億計的國語市場，操粵語的6千多萬人口實在微不足道。也可別埋怨香港鎮守不力，就連堂堂廣東區域，也因為當局要推廣亞運，命電視台禁用廣東話。
