28/07/2010

糖果教主!

色彩繽紛嘅糖果,唔止可以食,仲可以戴上身!夏天佩戴糖果色系飾物出街,我仲唔係糖果教主!

五顏六色唔係亂襯,我認為潮人先至真正識得欣賞花喱花碌嘅美麗!糖果色系係今個夏天最In嘅顏色,我呢啲潮媽又點會落後於人呀?尋日行街專登掃咗啲糖果色系飾物襯衫,Sharp到暈,以下幾款就係我嘅戰利品,唔知你哋又啱唔啱心水?

糖果外形 夠晒Sweet!

除咗糖果色系飾物外,其實糖果外形嘅產品都係長青之選,係咪好有少女味呢?

喪玩Party Game

我個妹Lorna星期六生日,諗住响屋企食餐飯,大人細路一齊玩番晚。成班人搞Party,除咗飲飲食食,最緊要梗係圍埋一齊玩,不過有時唔係個個都鍾意打牌、打機,真係幾頭痛,好彩畀我見到Mattel最新推出嘅Party Game系列,將經典Board Game改良加入新元素,好似猜猜畫畫動感掌門人、香港潮爆版猜猜畫畫、猜猜畫畫動感卡、防水透明版UNO、快樂馬騮等,大人細路都玩得,咁今個星期六就包冇悶場啦!

查詢:2341 6811

夏日清爽療程

天氣熱辣辣,各位靚女着小背心、比堅尼前,梗係要同皮膚做足修護工夫啦!即日至8月31日,MiraSpa與著名英國護膚品牌Elemental Herbology合作,推出一站式夏日清爽療程,當中包括檸檬和青檸足浴、香薰按摩、身體磨沙清涼冷石面部美容。參加者將獲贈Elemental Herbology旅行禮品包,更可免費於水療中心酒廊享用Smoothie、餐廳享用精選午膳,全日使用游泳池、健身設施及溫熱水療區。咁歎,我決定自己先去享受吓啦!

查詢:2315 5500