做女時去親東京都要去文化屋雜貨店尋寶，咁啱香港分店一周年，開多間限定店賀一賀佢！

喺日本已經有37年歷史嘅文化屋雜貨店，去年首次衝出東瀛，落戶於極有本土風情嘅油麻地，開設首間海外分店，眨吓眼原來已經一年！佢哋決定跳出九龍，喺銅鑼灣LCX開設為期3個月嘅限定店。

木製摺椅及摺枱都係限定產品，當茶几用亦相當雅致。摺椅 $218摺枱 $268	不規則花樽 $178	限定相機側孭袋，袋背以真皮製造，旅行時放證件、相機仔最方便。$298

店舖比原店更大、更多新貨，更貫徹原店嘅神髓，所有衣袋、飾物、家品、精品均由日本返貨，而大部分嘅首飾、衣袋更由人手製造，日本人「雜貨」，果真靚過人！店舖由即日至9月30日限定開舖，更由日本引入限定產品；要尋寶就快手啦！

店舖內分成飾物、家品區，但最受歡迎係帽子區！

紮染背心裙，每一條均以人手染製，所以花紋亦條條不同。$258

日籍設計師駐場

由日本專誠嚟港嘅女設計師荻原綾，帶嚟親自設計及人手製造、以「人間」為題嘅飾物精品，粒粒波點比喻唔同嘅人類相聚一起，荻原綾更不時駐限定店講解其作品添！展覽將會喺8月初移師至油麻地店。

喱士小手袋，另有同款卡片套，好Lady呀！手袋 $158、卡片套 $148	花花水靴，今個雨季唔會濕腳仔囉！$378	放大圖片

查詢︰2332 3145