囝囝放暑假，對佢嚟講係樂事，但在於我就係苦差，因為我要周圍八有咩好玩活動，將囝囝嘅悠長假期安排得密密麻麻，免得佢無所事事！

好在尋日住喺馬鞍山嘅Doris打畀我報料，話佢屋企附近嘅新港城中心請咗著名本地漫畫家「留馬仔」，舉辦首個大型漫畫展「我愛香港地」，以香港地道文化為主題，帶你到茶餐廳歎茶、陪你搭「叮叮」及暢遊金紫荊廣場等，仲有攤位遊戲玩添，實行玩轉香港！我聽到呢個消息真係開心到飛起，即刻Mark落囝囝嘅行程表，又可以同囝囝玩足一個下晝啦！

馬仔做出嚟嘅超巨型雞蛋仔，絕對係影靚相熱點。	刺激有趣嘅「馬仔大牌檔」電腦動畫遊戲，供大家免費試玩。	漫畫閱讀專區，擺放多本馬仔所出版嘅漫畫供免費閱讀。
多幅唔同造型嘅馬仔畫冊，供小朋友現場填顏色。	馬仔漫畫版「叮叮」，大可以同馬仔暢遊「叮叮河」，更可在金紫荊廣場與馬仔影番張靚相。	放大圖片

活動詳情

日期：即日至8月15日

時間：12:00nn至9:00pm

地點: 馬鞍山新港城中心L2天幕廣場

查詢：2389 1878

至Fun攤位遊戲

平日魚蛋就食得多，自己拮魚蛋又試過未？場內特設「勁拮魚蛋大激鬥」及「龍鳳茶樓點心對對碰」攤位遊戲，考你眼明手快，鬥快拮魚蛋及配對指定點心，贏取獨家馬仔精美禮品。

熱辣辣點心！

每人只可揭開點心籠三次，每次兩個籠，若當中兩次配對成功就攞獎。

日期：7月31日、8月1日、8月7至8日、8月14至15日

時間：2:00pm至7:00pm

叻太:紅爆吉蒂銀器

近排Hello Kitty真係Hit到爆，事關8月Sanrio會大搞50歲生日慶祝活動，Hello Kitty身為Sanrio一姐，當然不敢怠慢，與周生生攜手推出以皇冠為標記嘅Sanrio 50周年紀念版Hello Kitty純銀系列，以象徵Sanrio 50年嚟卡通王國地位不變，加上Hello Kitty可愛大頭樣，配搭出唔同款式嘅頸鏈、頸繩及手鐲。好在我唔係Hello Kitty粉絲，唔係荷包肯定大出血！

查詢：2192 3123

叻生:免費講座解構中暑

日日氣溫愈升愈高，平日同囝囝出街，都驚佢熱親，好在寶礦力水特即將舉行「對抗中暑─夏日兒童健康講座」，解構兒童中暑危機，及破解急救謬誤。講座由香港中文大學兒科學系教授韓錦倫醫生、香港浸會大學體育系副教授劉永松博士，以及香港聖約翰救傷會資深導師講解，剖析兒童肥胖與中暑關係，分享兒童中暑急救常識等，等我即刻報名學嘢先！

日期：8月3日

時間：2:00pm至4:00pm

地點：灣仔駱克道香港小童群益會總部

費用：全免（名額200個）

查詢：2232 6329

叻太:商場免費App有着數

自從出咗部iPhone，無可否認就連我都「瘋」了，每日周圍搵啲得意免費App下載，前幾日收到朗豪坊嘅E-mail ，原來佢哋8月會推出全港首個商場會員制iPhone App畀人免費下載。只要你係iPhone用戶，上App Store搜尋朗豪坊或Langham Place即可免費下載，每次當大家喺場內Check-in個App，即可下載iCoupon，更會得到一次抽獎機會，Check-in次數愈多，中獎機會愈大。咁着數，我當然會記住8月1日就「單撈」呢個App啦！

查詢：3520 2800