Jeff：

早排高登開倉諗住掃吓平貨，點知平貨就搵唔到，卻聽到班老友大吐苦水。話說腦場傳統「五窮六絕七翻生」，每年7月暑假就會旺起來，但今年7月初有世界盃、8月尾有電腦節，前後夾擊搞到腦場靜過鬼，點知業主仲話要加租，令到唔少腦舖被迫遷出，我數過足足有8間舖吉咗出來，喺走廊踢波都鬆動有餘，難怪班Sales喊晒口啦！

Simpson：

前陣子，天氣還是相當酷熱，每日都下着毛毛細雨，搞到我都不想出街。呆在家中，望出窗外發現植物上有數條毛蟲在吃着葉子，心想要不要把牠們清除掉，不過見牠們那麼細小仍努力地生存，於心不忍地就把牠們「收養」了。上網查過資料後，發現原來這些是香港獨有的白紋鳳蝶的幼蟲，只會吃單一物種的植物葉子，牠們和我碰上，也算是一種緣份吧。

嬌拔：

身邊嘅宅男朋友呢排忙到死，掃完靚模寫真集，下星期又要撲去動漫節買Figure同漫畫。今次焦點，一定係「全宇宙最強」嘅葉問12吋Figure，由本地老牌ENTERBAY出品，a，仲要用咗全新開發嘅ABS素體，關節特別多，配合4對標準詠春手形，擺連環拳Pose話咁易！最抵死係配件除咗木人樁外，仲有喺《葉問1》電影中用來打金山找嘅雞毛掃，設計咁精美，今次仲唔1個打10個（Figure）？！