本文重點
seine seine：
多得航班延誤，令我的西班牙之旅增加多哈一天遊行程，可一遊心儀已久的伊斯蘭博物館；多哈人民的誠懇，也令我極之難忘。某回搭的士，因身上僅有的當地貨幣不夠付車資，便下車往兌換店換錢，之後才發現相機遺留在車廂，司機等了我20分鐘之餘，還叮囑我記緊要拿好相機。在市集血拚，又遇到好人，店舖老闆的刷卡機失靈，我身上又不夠現金，老闆竟然不收錢把貨品送給我！希望下次有機會重遊這中東友善之國。
Alvin Lee：
在外地工作少不免要跟旅遊局的幹部開會，只要見到桌上有否放置瓶裝水，便知該地方的發展水平有多高。1公升的瓶裝水，解構後就是石油和很多公升的清水，地球的石油剩下多少本來很難估計，不過墨西哥灣咁漏法，斷估70或80年後可能見到「油盡燈枯」的景象。至於水呢？原來製造一瓶1公升的水，背後要消耗十多公升，甚至更多公升的水，仲要煲喎！有菌冇菌全是煙幕。 欲知更多，不妨睇Elizabeth Royte寫的《Bottlemania》一書，當然如果你係瓶裝水生產商，這一刻應該想拿作者去煲煲再蒸餾吧。
Kay：
身邊朋友好為食，所以成日要花心思煮番幾味給他品嘗，之前睇美女廚神Kit整西餐甜品都唔錯，原來佢依家同品味達人Perry Yuen喺網上設烹飪班短片，教人整中餐。第一場星廚烹飪班是教生抽麥芽大蝦，睇住片，邊學邊整好易上手，身邊人仲大讚好食添！網頁每兩星期上載一場星廚烹飪班，唔知下次教乜嘢呢？好期待！
網址：hk-kitchen.lkk.com