CYP：

靚女相唔止男人先鍾意儲，只要相片影得夠賞心悅目，女兒身的小記都一樣鍾意日對夜對。最近收到一家Model公司的Email，原來佢哋幫旗下6位模特兒拍攝咗一輯新相，再將相片製成免費的iPhone月曆程式，仲要由今年7月排到明年12月、共18個月份咁多，甚至設定為Wallpaper，各位仲唔快啲手單撈！

marcovaldo：

唔關世界盃事，自己亦非巴塞同皇馬Fans，但無啦啦走咗去學西文（西班牙文），學費貴但幾好玩，真羨慕盧廣仲可以主修西文系。iPhone上有個Education App叫「iStart Spanish」，專畀我呢類啱啱走去學西文嘅人用，入面有50堂真人發聲嘅基本課程，最正係有西班牙女人發音同哥倫比亞男人發音可以揀，盛惠4.99美元（近期仲減到2.99美元），搭長途巴返工時可聽番兩、三個Lesson，抵畀啦！

貓科：

相信一眾《新世紀》Fans已欣賞過剛推出影碟的《新世紀福音戰士新劇場版：破》吧，《破》的內容固然精彩，但有否留意劇終後有劇場版第三章《Q》的預告篇呢？可能有Fans會奇怪，之前的報道不是一直說新劇場版頭三章的名稱是《序》、《破》、《急》嗎？為何《急》會變成《Q》呢？除了因為導演庵野秀明一向喜歡「玩嘢」之外，亦可能由於「急」的日文讀法Kiyuu，發音與「Q」相似，故將《急》簡稱為簡單易記的《Q》都未定。