法國經典廚具品牌首度進駐中環，潮媽必睇！

工欲善其事，必先利其器，我身為一家之「煮」，梗係要有番幾件靚廚具傍身啦！法國老字號廚具品牌Le Creuset向來受識煮之人追捧，依家終於响中環設立大中華旗艦店。

呢個以珐琅鑄鐵鍋起家嘅品牌，產品向來以質優耐用見稱，依家仲保持以人手鑄造，一個鐵模只會造一個鍋，真係每件都獨一無二。除咗用料靚，色彩鮮艷都係品牌嘅標記，紅、藍、黃、綠、橙等「色色」俱備，好似第一批生產嘅火燄橙French Oven，到依家一樣咁興，真正入得廚房又出得廳堂，所以得到唔少世界名廚同廚房用家歡心。嚟緊佢哋仲計劃搞烹飪班，同大家一齊享受入廚樂，為咗慶祝新店落成，由依家至7月底，Le Creuset全店推出七折優惠，部分精選貨品仲低至六折添，快啲嚟入貨啦！