作為正宗「機佬」，iPhone同電腦配件實在多多都唔厭，今次我搵咗一批小喇叭同大家分享！

雖然依家日日做到無停手，但都無損我對音樂嘅熱愛。

咖啡杯頂部就係發聲位置，好搞笑。

千鳥格圖案小熊喇叭，接駁線收於背後拉鏈中。$158（c）

最鍾意聽歌嘅我當然追求高音甜、低音準，但返到公司就唔可以要求太多，適用於iPhone、iPod及一般手機嘅小喇叭，亦可以USB插入電腦播放，非常方便，加上外形的的骰骰，款式仲有型有格，最難得係音質都有一定保證喎，可以响Office聽自己鍾意嘅歌，簡直係繁忙工作中嘅提神劑呀！

熨斗形喇叭，啱晒老婆呀！$128（a）	狀似電筒嘅喇叭除可接駁電腦，亦可以播放USB手指、Memory Card等儲存裝置嘅音樂，而且音質仲唔錯添！$198（a）	嘩！80年代「小露寶」爆機Hi-Fi型iPod、iPhone用喇叭，機仔細細，收工放响袋就拎得走。$218（b）