斷估各位現時再買手提影碟機的話，都唔會考慮手提DVD機！所以Panasonic繼去年嘅DMP-B15後，近期再推出多一部體積更輕巧嘅DMP-B100，配備8.9吋高質顯示屏，去沙灘或者搭飛機時都可以盡情歎藍光碟！

如Netbook大小

選擇手提影碟機既要講畫質，又要兼顧流動性，而DMP-B15重量約1.4kg，機身尺寸大概只有一部Netbook咁上下，帶出街使用都算方便。喺屋企睇Blu-ray影碟，部電視機有成30幾吋就話可以做到1,920×1,080全高清點對點顯示，出街睇的話當然唔可能同日而語。今次DMP-B15上的8.9吋WSVGA LCD屏幕，解像度為1,024×600，但就加上不少影像處理技術，例如用上PHL基準色度處理器Plus來提升影像質素，實試效果其實都相當唔錯。

操作功能鍵都放在機面，非常就手。	機身亦設有SD卡槽及HDMI輸出端子。	可拆式電池正常都有2、3小時電力，夠你睇晒成套BD片。

HDMI駁高清電視

DMP-B100的整體規格都做得唔錯，如已支援藍光影碟嘅BONUSVIEW畫中畫功能，亦內置Dolby Digital及DTS解碼器，能以無失真的Bitstream方式，輸出Dolby Digital Plus、Dolby TrueHD、DTS-HD，並配有人聲強化功能，音效表現都算理想。在室內使用時，更可利用機上的HDMI端子，輸出至高清電視，此外還備有SD卡槽，直接讀取SD卡內的JPEG相片及AVCHD高清影片，跟一般家用Blu-ray影碟機睇齊。

內置的播放設定項目相當豐富。

試播《Avatar》Blu-ray碟，畫面顏色鮮艷細緻，而且富有質感，完全表現出高清畫質。

查詢：2833 0955