Jeff：

朋友決定暑假去日本旅行，成日問我有乜好嘢食推介，查米芝蓮？睇旅遊書？Out晒啦！想試至潮至新美食，梗係去全日本no.1食網Tabelog踩場，裏面格局同香港搵食網站差唔多，想搵東京人氣食肆，一按就Show晒排行榜畀你睇，有靚相、有地圖、有推介，我部iPhone一早就裝咗呢個免費App，心血來潮想去日本「搵食」都方便啲啦。

網址: http://r.tabelog.com

CYP：

早陣子逛書店，被我找到吳昊寫的《香江騎呢錄》，書中講的正是昔日香港的一些奇聞野史，例如裏面提到原來帶領英兵進駐香港的是一位艇妹、本港曾經有人發起過裸體運動、中環曾經發生百名歹徒械劫銀行等事件，都是教科書不會提到、上一代又未必知的香港歷史，有些內容更是香港人應該知道，但從來沒人提及過。讀畢，不禁反問自己，對這個出生、成長的地方，究竟有多了解？

Simpson：

近排遇到一件大家可能會認為係小事，不過就令我很傷感的事情。話說早前的一個下雨天，剛好在商場回家途中，見到一隻蝸牛在行人路上徘徊，心想是否應該幫牠重回花圃呢？就在猶豫的一瞬間，聽到「咔嚓」一聲，那隻蝸牛已被一名大叔用力地故意踏死了……原來生命就是如此脆弱。如果下次大家遇到這種情況，記住不要再見死不救啦！