今晚凌晨上演嘅「西．德」大戰，實在火藥味濃，西班牙同德國固然打甩髀，兩隊嘅首席射手—韋拿及高路斯喺射手榜更加係叮噹馬頭，為國為己，佢兩個今晚一定盡情「射呀射、射它吧」！呢場神射手對決，更加牽涉到兩大體育品牌嘅面子戰，事關韋拿着住三間牌嘅F50 adiZero踢世盃，已經入咗5球；高路斯都唔輸蝕，靠一剔牌嘅T90 Elite亦都入咗4球，只要入多一球，就可以追平大哨喺世界盃嘅最多入球紀錄（15球）。嚟緊幾日波鞋街邊款波Boot好賣，唔知關唔關呢場波事呢？
