天氣熱辣辣，佩戴粉色首飾，望落人都感覺涼快啲，特別襯活潑嘅夏天衫！

好羨慕做公關嘅Christina，經常有最新嘅扮靚資訊，尋日佢戴咗粉色系飾物，佢話今季唔少飾物都Sell粉色，粉紅呀、粉藍呀、粉紫呀……總之好有夏日Feel。Christina就話畀我聽有Daisy Satta呢個意大利人氣品牌，首飾均以純銀或18K白金製造，計設以彩色繽紛見稱，好Charm。至於另一個德國高品質純銀首飾品牌THOMAS SABO，全新春夏純銀首飾系列均用上純銀925製，配襯唔同吊飾或大膽用色，好得人鍾意呀！

Knot of African Wisdom系列 將非洲土著嘅圖譜及束辮子作靈感，幻化成細緻嘅線條，粉藍水晶水貝母純銀手鏈綴以銀色流蘇，充滿非洲特色，同款仲有戒指。手鏈$1,160、戒指$590（a）（a）	Stream純銀925頸鏈 設計簡約，平日佩戴可表現灑脫個性，做個型太！$790（a）	Blessed Gems 18K白金混合寶石（碧璽）耳環 碧璽又名願望石，其中最珍貴嘅紅色碧璽能增強愛情運，藍色及綠色碧璽就有聚財功能。$5,890（a）
Sweet Addict純銀925糖果水晶手鏈 唔同顏色嘅水晶，好似糖果般咁Sweet。$3,200（a）	Purity純銀925粉紅色水晶頸鏈 $1,490 Purity純銀925藍色水晶手鏈 $1,210（All from a）	Joyful Jigsaw純銀925方塊積木水晶手鏈 $2,200
Treasure Hunt純銀925系列 不論是粉綠水晶心心手鏈或粉藍水晶星星手鏈，配以玫瑰金及水晶，設計可愛調皮。心心手鏈$1,190、星星手鏈$1,290（a）	Harmony純銀925系列 粗手鈪綴以金色搪瓷雛菊圖案，而手鏈則改為細細朵嘅雛菊作點綴，手工細緻。手鈪$4,600、手鏈$1,370（a）	放大圖片

叻太：今日小暑：煲節瓜蓮子湯

熱咗咁多日，今日係小暑，本來諗住煲冬瓜湯，但同葉英良註冊中醫師傾開偈，佢就推介我煲節瓜蓮子百合湯。葉醫師話：「節瓜雖與冬瓜同種，但無冬瓜咁寒涼，據《本草求原》謂：節瓜功同冬瓜，而無冷利之患。節瓜可以話更正氣，一般人士都可食用。節瓜味甘淡、性平，有利水清熱、生津清暑、健脾、利大小腸嘅功效，無論係炒食或煲湯，效果都唔錯。」

節瓜蓮子百合湯

材料：節瓜1斤，蓮子1両，百合1両，扁豆衣1両，淮山1両，瘦肉1塊，蜜棗3粒

煲法：清水12碗煲2小時

功效：滋陰清熱、健脾利水、生津消暑

網址：www.daisysatta.it、www.thomassabo.com

查詢：（a）2539 4000（b）2295 3585