人人都話要過低碳生活，計我話「高炭」生活就真！

依家睇電視、報紙，啲人成日話要實行「低碳生活」，其實我哋都可以「高炭」生活o架！此「炭」當然不同彼「碳」，係備長炭同竹炭呀！咪睇啲備長炭同竹炭黑色一舊舊，其實佢哋同古天樂一樣，外表黑得嚟仲好有實力！因為備長炭同埋竹炭都係經高溫精製，氣孔比一般炭多，所以吸力特別強，可以抗菌、調節濕度、僻味，聽講備長炭仲可以釋放負離子，過濾細菌，真係好有用。最近我就發現好多炭產品都設計得好精美，有啲仲可以用嚟做家居同汽車擺設添！最緊要係，呢啲炭產品嘅種類愈出愈多，以前買親嘅都只係放喺衣櫃、鞋櫃嘅除臭產品，依家就連餐具、廚具、沐浴用品，甚至掛牆鐘都出埋，真係全屋都啱用！

備長炭環保洗衣球 $258（b）	備長炭抗菌廚具套裝，包括湯杓、湯料杓、鑊鏟。$99/套（b）	清洗蔬果時，連同這個備長炭「水妖精」一同放入水中，有助淨化蔬果嘅有害物質。$380（b）
備長炭攪拌棒含豐富礦物質，攪拌飲料同時吸走異味，亦可以令水變成弱鹼性礦泉水，有益健康，連咖啡都啱攪添！$68（b）	炭黑泉竹炭馬油沐浴露，含豐富礦物質，能深入毛孔帶走油脂污垢，一家人都啱用。$290（b）	炭黑藥用炭烤茄子味牙膏，可以消除口氣、淨化口腔細菌，不過支牙膏黑色，小心滴污漕件衫！$78（b）
以備長炭粉末製成備長炭輕石，用來輕擦腳踭可以去死皮，吸走污垢。$88（b）	多用途杜邦布竹炭包，放喺屋企吸味抗菌，顏色亦夠Sharp。$48（a）	竹炭鞋塞可吸濕除臭，特別適合有風濕毛病人士使用，仲可以預防腳氣添，一個月曬一次可以用3年，夠晒環保。$45（a）
外形超靚嘅空氣淨化炭包，當擺設都得。$198（a）	車用高溫幼身竹炭籃，放喺老公架車最啱。$198（a）	高溫竹炭床墊有防潮保暖功效，有風濕痛嘅叻婆婆就啱晒啦 $1,350（a）

查詢： （a）3188 1559（b）3583 1426

重溫兒時手作仔！

依家啲細路咁多玩具，唔似我哋細個時會自己整嘢玩，我哋以前乜都玩一餐，雪條棍、廢紙摺紙飛機都玩餐飽，依家想再重溫呢啲手作仔都幾難囉！尋日同同事Jason講起我哋細個嘅集體回憶，都唔少得萬花筒，但係已經唔記得點整，好彩佢話畀我知灣仔民間生活館搞咗個「民間手作仔工作坊」，其中一部分係教人用七彩膠珠同埋膠鏡片整萬花筒，我都手痕想試吓，結果我哋兩個佬一齊報咗名，哈！

花花看世界─萬花筒工作坊

日期：8月8日

時間：2:00pm至4:30pm

地點：聖雅各福群會總會7樓視聽室

費用：$150/位（包材料、導師及場地）

查詢：2835 4376

夏天買個Sharp醒手袋！

好多男人都唔明點解女人有咁多個手袋，無他，喺我哋女人眼中，唔同場合要用唔同手袋嘛，平日出街買嘢、放假去郊遊，又或者同靚太fds出街，都要用唔同嘅手袋配襯。最近想買番個顏色鮮艷嘅手袋，夏天出街用夠Sharp。去開FX Creations幫老公睇背囊嗰陣，發覺出咗全新女裝手袋RON系列，設計簡約，可以側孭同手挽，而且有多種顏色選擇，真係心郁郁想買多幾個呀！

查詢：2175 0288

$795

放大圖片

同媽咪一齊整Pizza！

睇得多媽咪煮嘢食，搞到我都想學吓整餅。最近聽媽咪同Playgroup同學仔啲媽咪傾偈，知道馬哥孛羅開心兒童會嚟緊有個「Mini Pizza」親子烹飪班，有酒店專業大廚指導，一家人一齊整一個獨一無二嘅Mini Pizza，學完之後仲有張烹飪證書，同埋精美禮物添，加上費用包埋食自助餐，咁開心又咁抵，我梗係即刻叫媽咪報名啦！

日期：7月11日

時間：11:30am至2:30pm

地點：尖沙咀海港城港威酒店三樓綾綢宮

費用：（非會員）小童$200、家長$244

　　　 （會員）小童$180、家長$220

查詢及報名：2118 7282