今個夏天再次吹起海軍風，作為109系忠實Fans的名嫫梁筠兒（Bambi），由舒適的闊身褲，以至大騷「事業線」的貼身小背心都一併購入，塑造不同程度的海軍風。

緊貼潮流的Bambi，留意到各大時裝品牌近年都加入海軍風，自然不會錯過：「今年Marine風繼續大熱，好多國際品牌都加入呢個元素，好似09年D&G嘅春裝，同10年嘅Chanel Resort都有好多橫間單品，由鮮紅色嘅袋至橫間衫同圍巾等配飾，都好吸引我！」向來鍾情日本涉谷109系的她，最愛以不同日本潮牌配襯：「我鍾意日本品牌，價錢抵啲，款式又拍得住國際品牌，所以成日都入貨。Marine風一定唔少得橫間單品，好多日本女仔都會成個Total Look咁着，所以我今季都買咗唔少。」

Lip Service外套 $799 Lip Service橫間吊帶背心 $459 Lip Service短褲 $499 Lip Service手袋 $939 Egoist高踭鞋 $1,349	Gimlet太陽眼鏡 $399 Lip Service閃石束衣背心 $499 Lip Service針織連身裙 $759 Titty & Co.露趾高踭鞋 $1,349 Egoist手袋 $539	Duras長袖上衣 $819 Titty & Co.傘裙 $939 Duras露趾高踭鞋 $1,749 Duras頸鏈 $279 Titty & Co.手袋 $939

Mix & Match效果多變

身兼市場部及Stylist的Joyce Ldm表示，大熱的海軍風非常百搭，她為Bambi塑造斯文及辣妹造型，營造不同感覺：「Marine風嘅單品可以營造OL Look同涉谷辣妹Look，隨意Mix & Match做出百變效果，特別推介橫間單品，配襯Demin、Lace甚至針織都得。飾物亦好緊要，因為Marine風嘅單品比較Basic，主要靠顏色去營造Marine風，除咗藍、白、紅之外，可以揀漆皮鞋或袋，做出高貴造型，又可以襯藤帽，營造可愛、陽光嘅感覺。」

DazzliN'紳士帽 $399 Swanky針織吊帶背心 $419 Swanky泡泡褲 $819 Duras高踭鞋 $1,449 Egoist腰鏈 $539

DazzliN'針織畫家帽 $259 Duras長袖恤衫 $819 Duras針織背心裙 $619 Titty & Co.高踭鞋 $1,199 Duras頸鏈 $339

深色幼橫間着瘦人

Bambi指出橫間衣物容易產生肥胖的錯覺，特意教授配襯貼士：「可以揀幼橫間，視覺上比粗橫間顯得瘦啲，而且揀番深色系會較易着瘦人。其實闊身褲同泡泡褲都可以襯到Marine風造型，以前着開窄腳褲好貼身，做到好瘦嘅感覺，估唔到着闊身褲都唔肥，仲好舒服，但上身一定要着貼身衫Balance番。除咗長褲外，仲可以揀熱褲去襯，騷咗對腳，成個人比例上會顯得冇咁矮，同埋最好着高踭鞋去拉長身體線條，成個人睇落自然會高啲、瘦啲，仲好Charming添！」

DELYLE橫間連身裙 $479	DELYLE橫間外套 $479 DELYLE蛋糕短裙 $479	Miel Crishunant短褲$347 Miel Crishunant橫間Tee $275

誇張眼妝玩到盡

為配合Total Look，Bambi建議化Marine風妝容：「着Marine風嘅衫，個妝可以化得誇張啲，眼線可以畫翹啲，拉長眼尾同眼頭。我推介用平腳眼線筆畫眼頭位置，可以畫到好貼，感覺精神咗，想再誇張啲就搽埋鮮紅色唇膏。」

瀛模藤井莉娜熱捧

海軍風吹襲港日，連日本時裝雜誌御用模特兒藤井莉娜亦熱捧，除以紅白橫間Tee襯藍色海軍帽外，她還以小小的白色海軍帽襯喱士Deep V背心，狂晒「事業線」，足證海軍風變化多端！