同學仔Tiana尋日着咗對巴斯光年波鞋返學，好靚呀！

細細個，爸爸同媽咪就畀我睇《Toy Story》影碟，胡迪同巴斯光年真係陪住我大o架！爸爸話7月中就會有《反斗奇兵 3》3D電影上映，到時佢哋仲會帶我去戲院睇喎！放學時，媽咪都見到Tiana對靚鞋，於是問佢媽咪响邊度買，Tiana媽媽話係adidas同迪士尼Crossover嘅最新童裝運動衫同球鞋，上架人物包括胡迪、巴斯光年、陸軍部隊同埋寶貝，而每款鞋仔仲會因應角色，好似胡迪波鞋就用上絨面皮革配合牛仔警長造型、寶貝波鞋就以白色×粉紅色，再襯雲圖案等，而且鞋底仲有迪士尼卡通人物圖案添……我真係好鍾意呀，媽咪！

反斗家族傾巢而出，點可以唔預埋胡迪？鞋仔特別用上胡迪的格仔圖案以及主打色包裝，夠晒親切。 （左）幼兒鞋 $319（右）小童鞋 $419（a）	巴斯光年係太空戰士，所以鞋面用上專用白色皮革嚟突出銀河系感覺。（前）幼兒鞋 $319（後）小童鞋 $419（a）	粉紅色×白色寶貝波鞋，加埋鞋裡同鞋底嘅白雲圖案，好Cutie呀！（前）幼兒鞋 $319（後）小童鞋 $419（a）
我係男仔，梗鍾意跳跳紮，充滿動感嘅巴斯光年運動套裝啱晒我！幼兒套裝 $359/套（上衣連長褲）（a）	可愛嘅寶貝幼兒套裝，最啱得意嘅表妹。$359/套（上衣連長褲）（a）	巴斯光年外套 $369（a）

查詢：（a）2730 0157（b）3185 1030

叻太:江戶風銀包入荷

我同老公用緊嘅銀包都舊舊哋，係時候換個新啦！咁啱畀我(目及)到RMC MARTIN KSOHO推出江戶風銀包系列，用意大利馬毛同牛仔皮縫製，最有江戶Style嘅地方係銀包用咗綁繩設計，一條皮製嘅幼帶橫貫銀包正面，即刻同老公孖住用先！

查詢：2375 6198

叻生:去酒店開睇波派對

終於等到入16強啦！平日要返工，多數都响屋企同老婆睇波，好在「巴打」阿Paul已經Book咗星期六去酒店睇波，一齊High番晚！原來由即日至7月11日，沙田凱悅酒店舉行世界盃私人派對，酒店內嘅咖啡廳、沙田18及天天吧共設有6間貴賓廳，每間均設有42吋液晶體平面電視，最多可容納12人，而另外3間凱悅廳與戶外陽台相連，最多可容納35人，環境又大又舒服，最周到係有小食美酒供應添，連老婆都讚好呀！

查詢：3723 1234