Jeff：

前幾日將部iPhone 3GS Up咗上iOS4，滿心歡喜玩Multi-Tasking，點知傾完電話用足球App睇賽果要重新Load多次、用微博App又係咁，叫乜鬼Multi-Tasking啦，叫做Mult-Shortcut就差唔多，仲搞到我部3GS窒窒哋，真係唔Up好過。唯一滿意係終於有倉頡輸入法，對於我呢啲潦草怪來說，打字點都比手寫快幾倍，以後我會多啲覆Message啦。

Simpson：

轉了玩《RF Online》已經有一段時間，期間不外乎升呢、練功、打怪賺裝備，不過和其他遊戲不同的是，一天有三個晶片爭奪戰時段，分別是早上六時、中午二時和晚上十時，原以為早上天未光會冇咁多人玩，但就發現有同一班玩家每天都定時定候於三場晶片戰中出現，難道他們不用休息的嗎？抑或是我大驚小怪，Online Game玩家應當如此！

William：

自從小記做咗呢行後，身邊啲朋友仔每逢換機升級時，都會打嚟問吓意見，最近就最多人心郁郁想買3D電視。

先唔講夠唔夠3D內容畀大家欣賞，淨係話要人人戴住副立體眼鏡先睇到3D效果，就已經令其吸引力大打折扣，其實連Nintendo 3DS呢啲遊戲機仔都做到裸眼3D，咁各大3D電視廠商又係咪可以參考一下呢？