上網同啲靚太fd傾開收寒衣，先知我嘅收藏方法唔夠完善，秘技係必須要清潔、風乾、最後收藏，當中好多人都忽略咗徹底清潔嘅步驟，就算只係着過一次都要洗乾淨，如果唔係好易發霉。眾多衣物中，羊毛冷衫可以話係最難處理，又驚變形又易變黃，所以最好以1:60嘅雙氧水浸吓件冷衫，過水後再洗，件衫就會白雪雪，洗完後仲要用大毛巾印走啲水分，再攤平放喺陰涼處自然風乾，咁先可以保持件衫唔變形。等冷衫完全乾晒後，最好用軟紙包住，想慳位又唔變形？將件衫捲住放入，再放埋防潮劑同防蟲劑，咁就萬無一失啦！

啲靚太fd話，想啲衫下季仲着得，收埋嗰陣一定要做齊防潮、防菌同除臭，我梗係好聽話咁去買齊呢啲用品，趁住呢排好陽光，快啲洗衫、晾衫再收衫先！

喬木能吸濕，更會散發天然清香味。$18（b）	衣物放入備長炭盒，可以除臭抗濕。$120/件（c）	BIO衣櫃去霉貼，貼喺衣櫃可以調節濕度，冇濕氣自然能消除霉菌。$98（a）
Hello Kitty衣物壓縮袋，唔使用吸塵機，用手捲動壓縮袋就可以排走空氣，好方便。$17.9（b）	儲存衣物前，可先將備長炭墊紙鋪喺櫃底，吸濕又防菌。$65/卷（c）	衣櫃背面容易孳長霉菌，所以放置活性碳抽濕板有助抗霉，曬乾之後仲可以循環使用一年。$39（b）

叻太秘技

慳家防潮防蟲法

1.衣櫃底墊報紙

報紙可以吸濕，而蛀蟲又勁怕油墨味，喺衣櫃底鋪報紙，就可以吸濕防蟲一舉兩得，不過記得喺報紙上鋪張白紙，避免油墨整污糟啲衫，當報紙變黃就要換新。

2.布包粉筆

用布塊包住粉筆，隨意放入衣櫃就成為乾燥劑，而粉筆只要曬乾就可以循環再用。

查詢：（a）2366 0051（b）2476 8666（c）3583 1426

三口子齊睇音樂劇

囝囝好鍾意國寶熊貓，成日都叫我帶佢去睇盈盈同樂樂，為咗滿足囝囝嘅熊貓欲望，我諗住帶囝囝去睇「熊貓日記」音樂會。音樂會主題係環繞「歡樂環保農場」嘅主人熊貓盈盈，佢啲農作物同埋嗰本記載農作物生長過程嘅日記全部畀人偷咗，於是盈盈就離開農場去尋找農作物同日記。音樂會由知名作曲家陳能濟擔任指揮，仲有香港中樂團、Harry哥哥同埋熊熊兒童合唱團一齊表演，等我叫老婆即刻訂飛先！

日期及時間：

7月23日至24日 8:00pm 7月25日 3:00pm

地點：香港文化中心音樂廳

票價：$260、$200、$120

查詢：3185 1600