近期烤全魚店愈開愈多，但據身邊的朋友試食後回報，同類型店舖的質素參差不齊，唯獨北角新開的「修哥魚鍋烤魚店」，魚香湯靚，那道地的川辣風味辣得盡情盡性，難怪嗜辣的盧惠光也成為這裏的超級Fans。

新店叫「修哥魚鍋烤魚店」，叫得修哥，當然大有來頭，這裏的店主正是演《公僕》演出經典的李修賢，據說某次修哥到重慶拍戲，見到成條街都開滿烤全魚店，嘗過後覺得好好味，返港後決意開番間公諸同好。

其實這店是「巴蜀烤魚」的第4間分店，總店在紅磡，這次選在北角開店，乃因附近沒有同類型食店，而且北角區多學校與寫字樓，中午有很多學生及OL來用餐，下午及晚市就做附近的街坊生意，所以全日任何時段都人流不絕，在繁忙時間還大排長龍添。

精選黑草鯇 鮮嫩冇泥味

這裏的招牌菜不用多講，就是川式烤全魚，魚款只選用黑草鯇，每朝到街市取貨，平均每條2至3斤重，經過師傅的精心醃製及烹調，烤魚肉厚鮮嫩，且沒半點泥味。店內共有8款口味的烤全魚，當中5款辣、3款不辣，修哥說︰「有辣有唔辣，辣味又分小、中、大辣，咁先可以照顧到大眾需要。」連身為泰國華僑、最愛食辣菜的盧惠光，剛從內地拍攝任賢齊及大S主演的動作喜劇《龍鳳店》，也被那辣香吸引過來，成為修哥香辣烤魚的超級Fans，他說︰「雖然我唔算食得好辣，但一食到新菜就停唔到口，愈辣愈想食。」

番茄味烤全魚 $138/大邊 唔食得辣的，可試試以鮮番茄蓉湯底炮製的烤全魚，魚肉同樣鮮香甜美，魚湯酸酸甜甜好開胃，飯都食多幾碗。

大魚頭湯米線 $45 魚頭米線在坊間比較少見，魚頭開邊上，難得香滑不腥；魚湯就以過百斤魚熬製，色白鮮甜兼零味精，多飲皮膚都靚啲。

既以魚作生招牌，不得不提這裏的魚湯底，師傅每朝6點回來，以過百斤魚熬製魚湯，早、午各熬一次，魚湯雪白香濃，入口鮮甜，帶少許香辛味，師傅更堅持不加味精，還說多飲有益健康，能美顏護膚，所以不少OL也愛吃其魚頭米線。

招牌口水雞 日限20隻

另一招牌菜口水雞也不可錯過，每日限賣20隻，雞肉香滑，辣得夠惹味，好多時一到下午便沽清，拍攝當日剛好連最後一份都賣出，小記連雞骨都看不到，所以想食就要預早Order。

芥香木耳$20 選用爽脆野生木耳，除了基本的醋及麻油，還特別加入Wasabi汁，但只聞其香而不會嗆鼻。	蒜泥白肉 $28 師傅細心地將青瓜捲入肉內，一口一件如小花模樣，以蒜蓉汁伴食，香辣惹味。	串燒雞、羊各$10 串燒元貝$18 以孜然粉加上自家製醬料燒烤，很有四川風味，用來送冰凍啤酒就最Good。

修哥表示，他不喜歡獨沽一味只賣傳統菜式，故經常與廚師商量設計新菜式，他說︰「總之好食嘅嘢就會放入餐牌。」而修哥剛構思了幾道新菜，包括一口麵（四川小麵）、懷舊炸三寶（炸番薯、炸鮮奶及炸香蕉）、金菇鴨胸卷等，正是餐牌上的新口味呢。

查詢︰2806 0288