趁住今日端午節，DIY艾薰香錐，防疫驅蟲！

最近上網睇到Green MaMa林麗珊教人喺端午節整艾薰香錐，咁我先知原來端午節喺古時其實係「防疫節」，老百姓喺呢日會喺庭院掛艾草、香囊同埋菖蒲，用嚟預防瘟疫，因為艾草嘅香味可以驅趕蚊蟲，而且可以抑制病菌同細菌。Green MaMa話，喺屋企點燃艾薰香錐，可以消除病菌同驅蚊，而且艾薰香味有助穩定心神，加上以天然材料整，唔使驚有化學物質添！

放大圖片

放大圖片

材料：

曬乾艾葉/艾條（掐碎）10g、橘子皮/陳皮（磨粉）5g、檀香粉20g、蜂蜜10g、藥用酒精1.5g、薰衣草精油6滴、水1.5g、舊紙皮及舊膠片少量。

放大圖片	放大圖片	放大圖片

製法：

1. 將蜂蜜、清水及酒精混合，再加入艾條碎、陳皮粉及檀香粉，攪拌至黏稠狀，然後再加入數滴薰衣草精油。

Green MaMa林麗珊	簡單切幾片薑焗茶飲，都可以消滯o架！	放大圖片

2. 分別將圓形紙皮及圓形膠片捲成圓錐狀模子，並將紙圓錐放在膠圓錐內。

3. 將混合好的艾薰香料逐少倒進模子，並用手指壓實以定型。

4. 將艾薰香錐脫模，置放於陰涼地方風乾數天後，即可燃點。

是日提點：弊傢伙，食滯咗！

近排人人都會食糉應節，糉嘅主要材料係糯米，註冊中醫師Terri Chan話：「本來糯米係五穀類，性質溫和，可以補氣健脾，但因為糯米較黏滯，食得太多就會難消化，如果真係飽飽滯滯，可以飲一劑消滯湯水，行氣兼健脾消滯，又或者切幾片薑焗茶飲都得，但如果唔見效，就要搵中醫師幫吓手啦！」

端午消滯湯水

材料：炒谷芽五錢、炒麥芽五錢、山楂五錢、神麴五錢、陳皮五錢

煲法：將所有材料以五碗水煲約半小時，即成。

功效：健脾消滯

五月初五端午節！

天生精打細算，以照顧好一家大小健康為己任。

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝