昨日Sony終於正式宣布兩部新3D電視LX900同HX900會响下月中登場，更晒冷推出3D Blu-ray播放機、3D家庭影院、3D藍光電影同3D PS3遊戲，更擺埋套3D試玩版《GT5》壓場，畫面正到痹，而且各項配套都會在7月中前有得賣，一條龍3D服務真係只此一家！

這兩部將會推出嘅BRAVIA 3D電視，分別係備有52吋同60吋兩款尺寸嘅LX900，以及較細嘅46吋HX900，前者以大畫面取勝；後者則大賣新Monolithic Design機身設計同畫質。

HX900採用傾斜6度的Monolithic Design，觀感出眾，由於機身太薄，3D立體同步傳輸器（紅圈）要變成外置式設計。

LX900備有52吋及60吋兩個型號，大尺寸睇3D都舒服啲，具備亮度感應器及熱能感動器（紅圈），減省電力浪費。

HX900智能背燈 3D冇殘影

HX900用上傾斜6度的Monolithic Design，無框機身設計下將屏幕融合在框邊之內，觀感贏晒。HX900用上智能動態LED背光燈，提供到更出色的Motionflow PRO暢動流400技術，可以在每格畫面加入3幀圖像外，配合動態光暗調整技術，將畫面更新率提升8倍，能有效減低動作顯示的模糊影像，播放3D畫面時就見晒真章。

機內設有不少3D顯示選項，可因應需要作出相關設定。	遙控上設有3D按鍵（紅圈），一按即可轉換2D及3D畫面。	推出日期：6月中　售價：$3,480

LX900大畫面 哄埋即響聲

至於LX900外形其實都唔差，雖然只用上Edge LED背光燈技術，冇HX900嘅智能動態LED背光燈技術咁先進，但勝在搭載不少特色功能，例如加入BRAVIA Internet Video & Widget網絡影像及資訊技術，亦內置熱感感應器，當冇人喺電視前面，便會自行關掉屏幕慳電；最特別係新增嘅小童人臉偵測，如果小朋友哄得太埋睇電視，便會發出警號，媽咪肯定大讚。

《Motorstorm II》玩越野賽車，前後景深做得出色。	《Star Strike HD》在3D星球上作戰，效果唔錯，但有少少眼花。	即場試拍「3D女模片」，效果真係幾好，唔知香港電視台會唔會效法呢？

兩款3D電視都具備2D轉換3D技術，即係話一般DVD、電視節目畫面以及相片，只需一按即可變3D，跟機送上兩副使用主動式快門技術的黑色3D眼鏡TDG-BR100，仲會推出尺碼較細、適合小朋友用嘅藍色或粉紅色TDG-BR50，認真細心。

Sony準備6月中就會推出這款BDP-S470

藍光播放機，包括具備Sony BRAVIA Internet Video網絡影像功能、3秒高速起動模式、亦支援iPhone App「BD Remote」，將iPhone變成遙控器。為配合S470，Sony亦出埋5.1聲道家庭影院HT-SF470，而現有嘅BDV-E370、BDV-E970W家庭影院組合，都可以在6月中更新Firmware對應3D藍光播放。

3D PS3遊戲同步登場

打頭陣嘅4套3D遊戲分別係《PAIN 3D Bundle》、《Motorstorm II》、《Star Strike HD》同《Wipeout HD》，主要係加入3D擴充內容，唔算係大作，但過吓手癮都唔錯！SCEH暫時未公布相關售價，不過就會在兩款新BRAVIA 3DTV嘅優惠套裝中免費附送。

即場試拍3D片

今次Sony 3D發布會特別之處係將成套3D攝錄「架生」帶到會場，由點樣將兩部HDC-P1高清攝錄機連結，到其他專業處理器材都一應俱全，即時拍低「3D女模」現場直播，到時Sony直播3D世界盃都係靠晒這套配備。

查詢：2345 2966