日式吉列豬扒要做得好食，咪以為好易，由上粉上麵包糠到落油炸都好考功夫，當然一塊靚豬扒更是關鍵。小記吃過的吉列豬扒大多粉厚肉薄，每次一咬面層的麵包糠都會與肉分離，降低食欲。早排睇電視見祖藍同泳兒又幫大快活賣廣告，今次Sell厚切吉列黑豚扒，睇見兩位肉緊的演出，吸引小記走去試試；想不到黑豚扒比想像中厚，咬落外脆肉香軟，而且肉汁豐富；原來大快活除了選用日本黑豚扒，就連麵包糠都是從日本新鮮運到，加上廚師的精心烹調，炸出來的吉列扒質素比價錢高，快餐店能做到這個效果，絕對有驚喜。