早兩日介紹過海洋色系家品，為延續清爽感覺，再下一城，介紹精裝膠傢俬畀大家！

邊個話師奶唔可以做潮人？我就係代表！咪以為我淨係識得買平嘢，其實都走在時代尖端！好似出名多家品潮店嘅中環歌賦街，我周不時都會去睇吓，兩間家品店Axis、ECOLS都不約而同返咗批膠製家具及家品，襯番炎夏咁話喎！咁又係，熱辣辣唔通仲對屋企張尼龍梳化唔放手咩？！等我大破慳囊，為叻家換「膠」裝，以新面貌示人！

當代國際設計大師Konstantin Grcic得意之作，以光面ABS膠面製造嘅儲物櫃，每層均可360度旋轉。$4,900（a）	以循環膠品製造嘅燈罩，遠看以為是通透玻璃。$2,240（b）	經典嘅Vanity Chair透明膠椅，係意大利設計師Stefano Giovannoni嘅得意之作，設計師以噴射模塑技術，避過塑膠注塑時容易出現嘅氣泡，令椅子變得光潔明亮。$3,500（a）
同樣係Claudio Dondoli and Marco Pocci嘅出品，椅背嘅榻榻米設計，充滿玩味。$880（a）	以循環膠品製成，素材以低溫處理，製造期間不會釋出有毒物質，而所製造嘅家品，顏色均有所不同。生果盤$1,485、小碗$502（b）	蝴蝶形開罐頭器，設計帶點幽默感，由丹麥Normann Copenhagen出品，現以清貨價出售，抵！$50/件（a）
掃地都要型一番！Normann Copenhagen掃帚連垃圾鏟。$138（a）

查詢：（a）2858 6919 （b）3106 4918

半價買有機貓狗糧

有冇話過畀大家知，叻家係有養貓o架？近兩年啲動物糧愈嚟愈貴，每次買都好肉赤，尋日响fb見到專為貓狗提供廉價獸醫服務嘅非牟利獸醫診所，即日起响位於太子基隆街嘅會所，只要購買協會推出嘅環保袋，就可以半價換購ORGANIX有機貓糧及狗糧。嘩，叻太一定支持啦！

查詢︰2393 2175

囝囝變身小廚神

平日都會同囝囝一齊享受入廚樂，當係親子活動嘛！同學仔媽咪Anna話我知，由6月1日起，凡於鑽石山荷李活廣場消費滿$800，憑有效機印發票（須組合兩間商戶）就可以免費換領由名廚Ricky同Harry哥哥合作編訂嘅全港第一本專為小朋友而寫嘅《小廚神Cook Book》。Cook Book以小朋友喜好同能力出發，食材亦非常健康，最重要係製法簡單又安全，數量有限，換完即止！

去酒店睇世界盃

我同老公都好期待世界盃，仲打算約埋成班fd一齊睇波，但係一諗到第二朝個廳布滿雜物，我就即刻頭痕！正當我個頭好痕之際，老公就話收到沙田麗豪酒店推出嘅情迷世界盃住宿計劃E-mail，可以優惠價响高級雙人客房睇直播賽事，每間房仲送啤酒，兼享用消夜套餐同免費使用健身中心、游泳池，每間房每晚另加$300，仲可以提升至行政樓層，享受歐陸式早餐、黃昏雞尾酒，以及全日供應小食同飲品，嘩，簡直係豪華級睇波團呀，梗係Join啦！

查詢：2132 1213

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝